بلند شہر، سماج نیوز سروس:آج ضلع مجسٹریٹ چندر پرکاش سنگھ کی صدارت میں کلکٹریٹ آڈیٹوریم میں ضلعی تعلیم اور نگرانی کمیٹی کی میٹنگ طلب کی گئی۔ میٹنگ میں ضلع مجسٹریٹ نے بیسک ایجوکیشن ڈیپارٹمنٹ کے کام کا تفصیل سے جائزہ لیا۔ بنیادی تعلیم کے اسکولوں میں بچوں کو اچھی تعلیم فراہم کرنے اور اساتذہ کی وقت پر اسکول حاضری کو یقینی بنانے کے لیے تمام بلاک ایجوکیشن افسران کو اسکولوں کے معیار کا باقاعدگی سے معائنہ کرنے کی ہدایات دی گئیں۔ یکم جولائی 2024 تک تمام اسکولوں میںا سمارٹ کلاسز کے قیام کے لیے کارروائی کی جائے۔ پی ایم شری ودیالیوں میں کئے گئے کام کے معیار کی جسمانی طور پر بلاک ایجوکیشن آفیسرس کے ذریعہ تصدیق کی جانی چاہئے۔ تمام اسکولوں میں اس بات کا معائنہ کریں کہ آیا کام از سر نو بنانے کے مقررہ نکات کے مطابق ہوا ہے یا نہیں اور تمام کام مکمل کروائے جائیں۔ آنگن واڑی میں پڑھنے والے تمام بچوں کا داخلہ صرف کونسل کے اسکولوں میں ہونا چاہیے۔ ایم ڈی ایم کے تحت بچوں کو فراہم کی جانے والی خوراک کے معیار کو یقینی بنایا جائے۔ خستہ حال عمارتوں کی نشاندہی کی جائے اور قواعد کے مطابق مسماری مکمل کی جائے۔ میٹنگ میں چیف ڈیولپمنٹ آفیسر مسٹر کلدیپ مینا، ڈسٹرکٹ بیسک ایجوکیشن آفیسر لکشمی کانت پانڈے اور دیگر افسران؍ملازمین موجود تھے۔
