ممبئی (یواین آئی ) حالیہ لوک سبھا انتخابات میں بی جے پی کا نعرہ "400 پار” تھا اور اس کا مقصد 400 سے زیادہ لوک سبھا نشستوں کو جیتنا تھا، لیکن بعض علاقوں میں، ایک منفی بیانیہ ترتیب دیا گیا کہ آئین کو تبدیل کیا جائے گا، اور "400 پار” کا ہدف اس سے جوڑا گیا، جوکہ نتائج پر اثرانداز ہوا۔مہاراشٹر کے وزیر اعلی اور شیو سینا کے سربراہ ایکناتھ شندے نے اس بات کا اظہار کرتے ہوئے کہاکہ لوگوں نے اسے ذہن میں رکھا اور اس کا الٹا فائر ہوا۔ بی جے پی کی گاڑی 300 کو بھی پار نہیں کر سکی۔ کئی ریاستوں میں انہیں بڑا جھٹکا لگا۔ مہاراشٹر میں بھی مہایوتی کو وہ کامیابی نہیں ملی جس کی اسے امید تھی،’’ وزیراعظم مودی کی تعریف کرتے ہوئے شندے نے کہا کہ انہوں نے گزشتہ 10 سالوں سے چھٹی کے بغیر کام کیا ہے ۔ "لیکن کیا ہوا؟ جو بیانیہ ترتیب دیا گیا تھا اس نے ہمیں کچھ جگہوں پر نقصان پہنچایا۔ مہاراشٹر میں بھی ہمارا نقصان ہوا۔ آئین بدلے گا، تحفظات جائیں گے … یہ باتیں تھیں… اس قسم کا کچھ نہیں ہونا تھا۔ لیکن ‘400 پار’ نمبر نے تمام مسائل پیدا کر دیے ،”فصلوں کی امدادی قیمتوں کے معاملے پر شندے نے کہا کہ ہندوستان ایک زرعی ملک ہے اور کسان خوراک فراہم کرنے والا ہے ۔ انہوں نے مزید کہا کہ اگر کسان ناخوش ہے تو کوئی خوش نہیں ہو سکتا۔ انہوں نے کہا کہ وہ جلد ہی مرکزی وزیر زراعت سے ملاقات کریں گے اور پیاز، کپاس اور سویا بین کے لیے کم از کم امدادی قیمتوں کا مطالبہ کریں گے ۔
