پنچکولہ (یو این آئی) ایشیائی کھیلوں کی چمپئن انو رانی نے گزشتہ روز یہاں قومی بین ریاستی سینئر ایتھلیٹکس چیمپئن شپ 2024 میں خواتین کے نیزہ پھینکنے کے مقابلے میں طلائی تمغہ جیتا۔ کامن ویلتھ گیمز کی کانسی کا تمغہ جیتنے والی انو رانی نے پوڈیم پر ٹاپ پوزیشن حاصل کرنے کی اپنی تیسری کوشش میں 57.70 میٹر کا بہترین تھرو کیا۔ 31 سالہ کھلاڑی کے پاس 63.82 میٹر کا قومی ریکارڈ بھی ہے جو انہوں نے 2022 میں جمشید پور میں حاصل کیا تھا۔بین ریاستی میٹنگ 30 جون کو ونڈوبند ہونے سے پہلے ہندوستانی کھلاڑیوں کے لیے پیرس 2024 اولمپکس کے لیے آخری کوالیفائنگ ایونٹ ہے۔ اس کے ساتھ ہی، انو رانی کوالیفائنگ پیریڈ میں 64 میٹر خواتین کی جیولن تھرو میں اولمپک کوالیفکیشن کا نشان حاصل کرنے میں ناکام رہی ہیں۔تاہم، انو روڈ ٹو پیرس کی درجہ بندی میں 19 ویں نمبر پر ہیں۔ روڈ ٹو پیرس رینکنگ میں نیزہ پھینکنے کے مقابلے میں سرفہرست 32 کوالیفائیڈ ایتھلیٹس کو اولمپک کوٹہ اس وقت ملے گا جب کوالیفکیشن ونڈو اور رینکنگ کی مدت 30 جون کو ختم ہوگی۔واضح رہے کہ کھلاڑی اپنے ملک کے لیے پیرس 2024 کا کوٹہ یا تو داخلے کے معیار پر پورا کرکے یادرجہ بندی کے ذریعے حاصل کر سکتے ہیں۔
