نئی دہلی،سماج نیوز سروس: سی بی آئی کی حراست کے بعد ہفتہ کو وزیر اعلی اروند کیجریوال کو عدالتی حراست میں بھیجے جانے کے بعد عام آدمی پارٹی کے سینئر لیڈر سنجے سنگھ نے مودی حکومت پر سخت حملہ کیا۔ انہوں نے کہا کہ کیجریوال مکمل طور پر بے قصور ہیں۔ مودی سرکار نے تحقیقاتی ایجنسیوں کا غلط استعمال کیا اور ان کے خلاف فرضی مقدمہ بنایا ہے آج سی بی آئی نے عدالت میں وہی پرانے دلائل پیش کیے، جو ہم گزشتہ دو سالوں سے سن رہے ہیں، جن کا سچائی سے کوئی تعلق نہیں ہے۔ کیجریوال کو پی ایم ایل اے میں ضمانت مل گئی ہے۔ اس معاملے میں کسی کو ضمانت اسی وقت ملتی ہے جب عدالت مطمئن ہو کہ وہ بے قصور ہے۔ ضمانت دیتے ہوئے ٹرائل کورٹ نے واضح طور پر کہا تھا۔کیجریوال کے خلاف کوئی ثبوت نہیں ہے اور ای ڈی بدنیتی کے ساتھ کام کر رہی ہے۔ لیکن ای ڈی نے ہائی کورٹ سے ضمانت پر اسٹے لے لیا۔ اسی وقت، جب وہ سپریم کورٹ سے ضمانت لینے والے تھے، تبھی سی بی آئی بھیج دی اور دوبارہ گرفتار کر لیا گیا۔ تحقیقاتی ایجنسیوں کے غلط استعمال کے خلاف انڈیا اتحاد یکم جولائی کو پارلیمنٹ میں احتجاج کر رہا ہے۔عام آدمی پارٹی کے سینئر لیڈر اور راجیہ سبھا کے رکن سنجے سنگھ نے میڈیا سے بات کرتے ہوئے کہا کہ مرکز کی آمرانہ حکومت نے تمام اصول و ضوابط کو نظر انداز کرتے ہوئے اور تحقیقاتی ایجنسیوں کا غلط استعمال کرتے ہوئے اروند کیجریوال کے خلاف ایک کے بعد ایک کیس بنائے ہیں۔ جب ای ڈی کورٹ نے کہا کہ اروند کیجریوال بے قصور ہیں،ان کے خلاف کوئی ثبوت نہیں ہے۔ جب ای ڈی کورٹ نے اروند کیجریوال کو ضمانت دے دی اور کہا کہ ای ڈی بدنیتی کے ساتھ کام کر رہی ہے۔انہوں نے کہا کہ ای ڈی اور سی بی آئی وزیر اعظم نریندر مودی کے تحت کام کرتے ہیں۔ جب اروند کیجریوال کو ای ڈی کورٹ سے ضمانت ملی تو ہائی کورٹ سے حکم کی کاپی کے بغیر اسٹے لے لیا گیا۔ جب سپریم کورٹ کی جانب سے کیجریوال کی ضمانت کی توثیق کرنے کا امکان تھا، اس سے عین قبل اصول، قانون اور آئین کو ایک طرف رکھا گیا۔اروند کیجریوال کو سی بی آئی کے پاس بھیجے جانے کے بعد دوبارہ گرفتار کر لیا گیا۔ پہلے اسے فرضی مقدمہ درج کرکے پولیس کی حراست میں رکھا گیا اور آج ان کو عدالتی حراست میں بھیج دیا گیا ہے۔ عدالتی حکم آنا باقی ہے۔سنجے سنگھ نے کہا کہ سی بی آئی نے اروند کیجریوال کو تین دن کے ریمانڈ پر لے لیا ہے۔ سی بی آئی کے جو دلائل ہم نے عدالت میں سنے وہ وہی پرانی کہانی تھی۔ پچھلے دو سال سے وہی پرانی کہانیاں، جیمز بانڈ کامکس، تخیلاتی واقعات کی تخلیق سننے کو مل رہی ہے، جن کا حقیقت سے کوئی تعلق نہیں۔ ایسیکہانیاں عدالت میں نہیں رکتیں۔سنجے سنگھ نے کہا کہ ہم نے دیکھا کہ جھارکھنڈ کے سابق وزیر اعلیٰ ہیمنت سورین کے معاملے میں کیا ہوا۔
