نئی دہلی (یو این آئی) صدر جمہوریہ دروپدی مرمو نے منگل کو اتر پردیش کے ہاتھرس میں ایک مذہبی پروگرام میں بھگدڑ میں کئی لوگوں کی موت پر گہرے غم کا اظہار کیا ہے ۔ مسز مرمو نے ایک سوشل میڈیا پوسٹ میں کہا، "اتر پردیش کے ہاتھرس ضلع میں حادثے میں خواتین اور بچوں سمیت کئی عقیدت مندوں کی موت کی خبر دل کو دہلا دینے والی ہے ۔ میں ان لوگوں کے تئیں اپنی گہری تعزیت کا اظہار کرتی ہوں جنہوں نے اپنے کنبہ کے افراد کو کھو دیا اور زخمیوں کی جلد صحت یابی کی خواہش کرتی ہوں۔ خیال رہے کہ ہاتھرس ضلع کے سکندرراؤ علاقے میں ستسنگ پروگرام کے دوران بھگدڑ مچ جانے سے سینکڑوں لوگوں کی موت ہو گئی ۔ مرنے والوں میں زیادہ تر خواتین اور بچے شامل ہیں۔
