شگفتہ چودھری کا نگریس کو آگے بڑھارہی ہیں: چودھری زیبر

نئی دہلی، پریس ریلیز،ہمارا سماج:دہلی میونسپل کارپوریشن کے ایڈیشنل کمشنر امت شرما نے آج سیلم پور اسمبلی حلقہ کے تحت آنے والا چوہان بانگر وارڈ کے ایم سی ڈی اسکول میں شجرکاری کی اور تقریبا 100سے زائد پودے لگائے ۔اس موقع پر سابق رکن اسمبلی اور کانگریس کے قد آور لیڈر چودھری متین احمد ، چوہان بانگر وارڈ سے کونسلر شگفتہ چودھری زبیر ، بابر پور ضلع کانگریس کمیٹی کے صدر چودھری زبیر احمد ، دہلی پر دیش کانگریس کمیٹی کے ڈیلی گیٹ سید ناصر جاوید سمیت علاقے کے معزز افراد موجود تھے ۔شجرکاری کے قبل ایڈیشنل کمشنر امت شرما نے وارڈ کا دورہ کیا اور صاف صفائی کے کام کا جائزہ بھی لیا جس پر انہوں نے چوہان بانگر وارڈ میں کئے جارہے کاموں پر اطمنان ظاہر کیا ۔ وارڈ میں جاری ترقیاتی کام پر بات کرتے ہوئے کانگریس لیڈرچودھری متین احمد نے کہاکہ سیلم پور اسمبلی حلقہ کے تحت چار وارڈ آتے ہیں جس میں سے ایک چوہان بانگر وارڈ ہے یہاں صاف صفائی کے ساتھ ساتھ اس بات پر خاص توجہ دی جارہی ہے کہ یہاں کے جو اسکول ہیں ان میں بڑے پیمانے پر شجرکاری کی جائے اور ساتھ ہی اسکول میں جاری تعلیمی سرگرمیوں کا وقتا فوقتا جائزہ بھی لیا جائے تاکہ علاقے کے بچے بہتر تعلیم حاصل کریں اور اپنا بہتر مستقبل بنا سکیں۔ انہوں نے کہاکہ کونسلر شگفتہ چودھری زبیر اپنی ذمہ داری بحسن و خوبی ادا کرنے کے ساتھ ساتھ کانگریس کی وچار دھارا کو آگے بڑھا رہی ہیں ۔ بابر پور ضلع کانگریس کمیٹی کے صدر چودھری زبیر احمد نے کہاکہ کانگریس کی وچار دھارا رہی ہے کہ اپنے علاقوں کو بہتر بنایا جائے اور یہاں کے عوام کے مسائل کو حل کیا جائے اور اسی نظریہ پر ہم چوہان بانگر وارڈ میں کام کر رہےہیں ۔ انہوں نے بتایا کہ گزشتہ دنوں ایم سی ڈی کے جعفرآباد اسکول میں ہم نے جائزہ لیا تھا جہاں پایا گیا کہ اسکول کے پنکھے کافی پرانے ہوگئے ہیں اور اسکول کے بچوں کو گرمی لگتی ہے ۔ ہم نے فوری طور پر اپنے ذاتی فنڈ سے وہاں چھت والے پنکھے لگوانے کا کام کیا ۔ انہوں نے کہاکہ سیلم پور اسمبلی حلقہ میں ترقیاتی کام کرنا ہمارا فرض ہے اور علاقے کے مستقبل کو کیسے بہتر بنایا جائے وہ ہماری ترجیحات میں شامل ہے ۔ کونسلر شگفتہ چودھری زبیر کا کہنا تھا کہ جب سے ہم نے چوہان بانگر وارڈ کی کمان سنبھالی ہے تب سے ایک کے بعد ایک ترقیاتی کام کرنے پر زور دیا جارہا ہے ۔ انہوں نے کہاکہ علاقے میں لڑکیوں کی لائبریری قائم کرنے کا وعدہ ہو یا پھر گلیوں کو نالی سے نجات کا معاملہ سارے کام وقت پر پورے کئے جار ہے ہیں ۔ تاہم ہماری کوششیں آگے بھی جاری رہیں گی ۔ ڈیلی گیٹ سید ناصر جاوید نے کہاکہ آج پوری دہلی میں چوہان بانگر وارڈ کے کاموں کی ستائش پوری دہلی میں کی جارہی ہے اس کی خاص وجہ یہ ہے کہ یہاں صاف صفائی تو کی جارہی ہے ساتھ ہی بچوں کے بہتر مستقبل کی منصوبہ بندی بھی کی جارہی ہے ۔ انہوں نے بتایا کہ لائبریری قائم ہونے سے علاقے کی بیٹیاں مقابلہ جاتی امتحانات کی تیاری کر رہی ہیں اور جب وہ کامیاب ہو جائیں گی تو ہم ضرور ان کا استقبال کریں گے ۔اس موقع پر ونود شرما،ریاض الدین راجو،سرتاج احمد،انل شرما،ضرار احمد،خالد خان،افسر خان،انیتا جین،شمیم خان،علاء الدین انصاری،رئیس سلمانی،شبیر احمد،رئیس انصاری،مظاہر علی،سردار حسین،حاجی اسلام،ایوب مسعودی،ساجد علی چودھری،محمد توحید،ضیاء الدین،فیضان قریشی،ظفر چودھری،راؤ نوید،اسلم ملک،عبدالحمید،عاقل احمد،ندیم راعین اور فہیم خان موجود رہے۔