منیلا (یو این آئی) فلپائن کے دارالحکومت منیلا کے مغرب میں واقع باتان صوبے میں صبح ایک آئل ٹینکر ڈوب گیا، جس کے بعد جہاز میں سوار عملے کے 17 میں سے 16 کو بچا لیا گیا اور ایک رکن لاپتہ ہو گیا، جس کی تلاش فلپائن کوسٹ گارڈ (پی سی جی) کے اہلکاروں کے ذریعے کی جارہی ہے۔ یہ اطلاع پی سی جی کے ترجمان نے دی۔
ریئر ایڈمرل آرمانڈو بالیلو نے کہا کہ موٹر ٹینکر ٹیرا نووا، جو 1.4 لاکھ لیٹر صنعتی ایندھن کا تیل لے کر جا رہا تھا، سمندر میں الٹ گیا اور بالآخر مقامی وقت کے مطابق جمعرات کی صبح لیمے شہر سے 3.6 سمندری میل مشرق میں ڈوب گیا۔ایڈمرل بالیلو نے بتایا کہ یہ جہاز وسطی فلپائن کے صوبے ایلوئیلو کے جنوب میں جا رہا تھا جب یہ حادثہ پیش آیا۔انہوں نے کہا کہ کوسٹ گارڈ نے عملے کے 17 ارکان میں سے 16 کو بچایا جن میں چار زخمی بھی تھے۔ انہوں نے کہا کہ لاپتہ عملے کے ایک رکن کی تلاش اور بچاؤ آپریشن جاری ہے۔
