پیرس، یکم اگست (یو این آئی) ہندوستانی نشانے باز پنل کسلے نے جمعرات کو شاندار کارکردگی کا مظاہرہ کرتے ہوئے اولمپکس میں 50 میٹر رائفل تھری پوزیشن مقابلے میں کانسے کا تمغہ جیتا۔ کسالے نے آج چیٹوروکس میں اولمپکس کے چھٹے دن 50 میٹر رائفل 3 پوزیشنز کے فائنل مقابلے میں جاری سمر گیمز میں شوٹنگ میں اپنا پہلا اور ہندوستان کے لیے تیسرا تمغہ جیتا ہے۔
سوپنل کسالے نے فائنل مقابلے میں 451.4 پوائنٹس کے ساتھ کانسے کا تمغہ جیتا۔ انہوں نے عالمی نمبر ایک شوٹر کو شکست دے کر کانسے کا تمغہ جیتا۔ وہ ہندوستان کے لیے اولمپک تمغہ جیتنے والے ساتویں شوٹر ہیں۔ اس کے ساتھ ہی وہ اولمپکس میں مردوں کی 50 میٹر رائفل تھری پوزیشنز ایونٹ میں تمغہ جیتنے والے پہلے ہندوستانی نشانے باز ہیں۔
چین کے لیو یوکون نے 463.6 کے اسکور کے ساتھ طلائی تمغہ جیتا اور یوکرین کے سرہی کولش نے 461.3 کے اسکور کے ساتھ چاندی کا تمغہ حاصل کیا۔
وہیں دوسری جانب ہندوستانی رنرز وکاس سنگھ، پرمجیت سنگھ بشٹ اور اکشدیپ سنگھ نیزخواتین کے زمرے میں پرینکا گوسوامی جمعرات کو پیرس اولمپک میں 20 کلومیٹر واک ریس میں تمغہ سے محروم رہ گئے۔
آج ہوئے اس مقابلے میں وکاس سنگھ پیدل چال ریس میں 1:22:36 کے وقت کے ساتھ 30 ویں نمبر پر رہے۔28 سالہ وکاس جمعرات کو ٹروکاڈیرو میں ہونے والی ریس میں حصہ لینے والے تین ہندوستانی ایتھلیٹس میں سرفہرست تھے۔ وہ گزشتہ سال ایشین گیمز میں اسی ایونٹ میں پانچویں نمبر پر رہے تھے۔پرمجیت سنگھ بشٹ اپنے اولمپک ڈیبیو میں 1:23:48 کے وقت کے ساتھ 37 ویں نمبر پر رہے۔ اس کے علاوہ قومی ریکارڈ ہولڈر اکشدیپ سنگھ چھ کلومیٹر کے بعد باہر ہو گئے اور ریس مکمل نہ کر سکے۔
اس ایونٹ میں ایکواڈور کے برائن ڈینیئل پنٹاڈو نے 1:18:55 کے وقت کے ساتھ گولڈ میڈل جیتا۔ برازیل کے کایئو بونفم (1:19:09) اور اسپینیارڈ الوارو مارٹین (1:19:11) نے بالترتیب چاندی اور کانسی کا تمغہ جیتا۔خواتین کے زمرے میں، ہندوستانی ایتھلیٹ پرینکا گوسوامی 20 کلومیٹر واک ریس میں 1:39:55 کے وقت کے ساتھ 41 ویں نمبر پر رہیں۔ ایونٹ میں گوسوامی آدھے وقت تک آگے تھیں لیکن وہ 17ویں مقام پرپہنچ گئیں۔
چین کی یانگ جیاؤ نے 1:25:54 کے وقت کے ساتھ طلائی، اسپین کی ماریا پیریز نے 1:26:19 کے وقت کے ساتھ چاندی اور آسٹریلیا کی ایتھلیٹ جمیما مونٹیگ نے 1:26:25 کے ساتھ کانسے کا تمغہ جیتا۔
