سید پرویز قیصر
سری لنکا کے افتتاحی بلے باز پاتھم نسانکا اس سال ایک روزہ بین الاقوامی کرکٹ میں پانچ سو رن بنانے والے پہلے بلے باز بنے۔دائیں ہاتھ کے اس بلے باز نے کولمبو میں کھیلے گئے سریز کے پہلے میچ میں 116 منٹ میں75 بالوں پر نو چوکوں کی مدد سے56 رن بنانے کے بعد ایسا کیا۔
اس میچ کے اختتام تک اس 26 سالہ بلے باز نے جو سات ایک روزہ بین الاقوامی میچ کھیلے انکی سات اننگوں میں92.16 کی اوسط اور 114.96 کے اسٹرائیک ریٹ کے ساتھ553 رن بنائے تھے جس میں تین سنچریاں اور ایک نصف سنچری شامل تھی۔
پاتھم نسانکا نے اس سال کی شروعات شاندار طریقے سے کرتے ہوئے افغانستان کے خلاف9 فروری 2024 کو پالے کیلے ہوئے میچ میں221 منٹ میں139 بالوں پر20 چوکوں اور آٹھ چھکوں کی مدد سے آوٹ ہوئے بغیر210 رن بنائے۔ انکی اس شاندار اننگ کی بدولت سری لنکا نے مقررہ50 اوور میںتین وکٹ پر 381 رن بنائے۔ افغانستان نے مقررہ 50 اوور میں چھ وکٹ پر339 رن بنائے جسکی وجہ سے اسے42 رن سے شکست ہوئی۔
دو دن بعد اسی میدان پر ہوئے سریز کے دوسرے میچ میں وہ ناکام رہے تھے۔ اس میچ میں وہ21 منٹ میں17 بالوں پر تین چوکوں کی مدد سے18 رن بنانے میں کامیاب ہوئے تھے۔ اس میچ میں انکے ناکام ہونے کے باوجود سری لنکا نے155 رن سے جیت حاصل کی ۔
سریز کے آخری میچ میں جو اسی میدان پر 14 فروری2024 کو کھیلا گیا تھا، سری لنکا نے سات وکٹ سے جیت اپنے نام کی۔ اس جیت میں پاتھم نسانکا نے ایک اہم کردار ادا کیا وہ136 منٹ میں101 بالوں پر16 چوکوں اور دو چھکوں کی مدد سے118 رن بنانے میں کامیاب رہے تھے۔ انکی اس سنچری کی بدولت سری لنکا نے35.2 اوور میں تین وکٹ پر 267 رن بناکر میچ جیتا۔ افغانستان نے اس میچ میں پہلے بلے بازی کرتے ہوئے48.2 اوور میں266 رن بنائے تھے۔
افغانستان کے خلاف سریز میں شاندار کارکردگی کا مظاہرہ کرنے کے بعد انہیں بنگلہ دیش کے خلاف بنگلہ دیش میں سریز کھیلنے کا موقع ملا۔ اس سریز کے سبھی میچ چٹاگانگ میں کھیلے گئے تھے۔ پہلا میچ13 مارچ2024 کوہوا تھا جس میں انہوں نے51 منٹ میں28 بالوں پر پانچ چوکوں اور ایک چھکے کی مدد سے36 رن بنائے تھے۔ اس میچ میں بنگلہ دیش نے چھ وکٹ سے جیت اپنے نام کی تھی۔ دو دن بعد سریز کے دوسرے میچ میں پاتھم نسانکا نے شاندار بلے بازی کا مظاہرہ کرتے ہوئے اپنی ٹیم کو تین وکٹ سے جیت دلائی۔ اس میچ میں وہ169 منٹ میں113 بالوں پر13 چوکوں اور تین چھکوں کی مدد سے114 رن بنانے میں کامیاب ہوئے تھے۔ بنگلہ دیش نے پہلے بلے بازی کرتے ہوئے مقررہ 50 اوور میں سات وکٹ پر 286 رن بنائے تھے۔ سری لنکا نے47.1 اوور میں سات وکٹ پر287 رن بناکر میچ میں جیت اپنے نام کی تھی۔ سریز کے آخری میچ میں جو18 مارچ2024 کو کھیلا گیا تھا بنگلہ دیش نے چار وکٹ سے جیت اپنے نام کی تھی۔ اس میچ میں سری لنکا کے سبھی کھلاڑی50 اوور میں 235 رن بناکر آوٹ ہوگئے تھے۔ پاتھم نسانکا نے نو منٹ میں آٹھ بالوں پر ایک رن بنایا تھا۔ بنگلہ دیش نے40.2 اوور میں چھ وکٹ پر 237 رن بناکر میچ جیتا تھا۔
ہندوستان کے خلاف ایک روزہ سریز کا آغاز پاتھم نسانکا نے اچھا کیا ہے مگر انکی ٹیم اس میچ میں مقررہ50 اوور میں آٹھ وکٹ پر 230 رن ہی بناسکے۔
