ونود کامبلی کی ناساز طبعیت! مداحوں نے ٹنڈولکر سے مدد کی اپیل کی

ممبئی  ( آئی این ایس انڈیا ) بھارت میں شائقین کرکٹ کیلئے بھگوان کا درجہ رکھنے والے سچن ٹنڈولکر کو کرکٹ کے ابتدائی دنوں کے بہترین دوست ونود کامبلی کی خراب صحت پر مداحوں نے جھنجھوڑ کررکھ دیا۔سماجی رابطے کی سائٹ ایکس (ٹوئٹر) پر ویڈیو وائرل ہورہی ہے جس میں دیکھا جاسکتا ہے کہ سابق کرکٹر ونود کامبلی کو لوگ سہارا دیکر لے جارہے ہیں، ان کیلئے چلنا نہایتی مشکل دیکھائی دے رہا ہے۔کچھ صارفین کا کہنا ہے کہ وہ نشے میں تھے جبکہ کچھ نے کہا کہ سابق کرکٹر جسمانی طور پر ناساز ہیں جس کی وجہ سے وہ چلنے پھرنے میں مشکلات کا شکار ہیں۔
وہیں کچھ صارفین نے ٹوئٹر پر سچن ٹنڈولکر کو ویڈیو کے نیچے ٹیک کرتے ہوئے لکھا کہ آپکے کرکٹ دنوں کے قریبی دوست اِن دنوں مالی و صحت کے مسائل کا شکار ہیں! برائےکرم انکی مدد کریں۔ونود کامبلی طویل عرصے سے صحت کے مسائل سے لڑ رہے ہیں، انہیں 2013 میں دل کا دورہ پڑا اور ایک پولیس اہلکار نے انہیں اسپتال منتقل کیا تھا جہاں انکی انجیو پلاسٹی ہوئی۔دوسری جانب سوشل میڈیا پر گردش کرنے والی ویڈیو کی تاحال کوئی تصدیق نہیں ہوسکی ہے۔ دریں اثنا ہندوستانی ٹیم کے سابق کرکٹر ونود کامبلی کی ایک ویڈیو سوشل میڈیا پر کافی وائرل ہے جو مداحوں کو کافی پریشان کر رہی ہے۔انٹرنیٹ پر وائرل ہونے والی ویڈیو میں ونود کامبلی بہت کمزور نظر آرہے ہیں اور کھڑے ہونے کے قابل بھی نہیں ہیں۔وہ آس پاس کے لوگوں سے کھڑے ہونے کے لیے مدد مانگتے نظر آرہے ہیں۔لوگ اس ویڈیو کو دیکھ کر حیران رہ گئے کیونکہ ہندوستانی ٹیم کی طرف سے کھیلنے والے کامبلی کی حالت ایسی ہے کہ انہیں سڑک پر صحیح ڈھنگ سے کھڑا بھی نہیں ہوسکتے ہیں۔ یہی نہیں بلکہ ایک شخص کو سہارا دینے کے بعد بھی وہ کھڑا نہیں ہو پاتا اور پھر دوسرا شخص آ کر اسے سہارا دیتا ہے، تب بھی وہ ٹھیک سے کھڑا نہیں ہو پاتے ہیں۔اس ویڈیو کے وائرل ہونے کے بعد لوگ سوشل میڈیا پر ان کی صحت کے لیے ہمدردی کا اظہار کر رہے ہیں۔ کچھ شائقین سچن تندولکر سے مدد کی درخواست بھی کر رہے ہیں۔ ایک صارف نے لکھا کہ آپ کے دوست ونود کامبلی بہت بیمار ہیں۔ سب کچھ بھول جائیں اور ان کی مدد کریں۔ کوئی آپشن نہیں ہے یا صرف تعزیتی پیغامات بھیجنا ہے۔غور طلب ہے کہ سچن تندولکر اور ونود کامبلی اچھے دوست مانے جاتے ہیں۔ ان کی دوستی مشہور ہے۔ سچن اور کامبلی نے ممبئی کے آزاد میدان میں سینٹ جونیئر ہائی اسکول کے خلاف 664 رنز کی شراکت داری کی۔ اس وقت یہ کسی بھی عمر کے گروپ میں سب سے بڑی اننگز تھی۔ اس شراکت کے دوران سچن 326 رنز بنا کر ناٹ آؤٹ رہے اور ونود کامبلی 349 رنز بنا کر ناٹ آؤٹ رہے۔ونود کامبلی نے اپنے کرکٹ کیریئر میں 17 ٹیسٹ اور 104 ون ڈے انٹرنیشنل میچ کھیلے ہیں۔ اس کے ساتھ ساتھ ون ڈے اور ٹیسٹ میں ان کے نام 4 سنچریاں ہیں۔ انہوں نے ٹیسٹ میں 1084 اور ون ڈے میں 14 نصف سنچریوں کی مدد سے کل 2477 رنز بنائے ہیں۔