پیرس (یو این آئی) ہندوستانی اولمپک ایسوسی ایشن (آئی او اے) کی صدر پی ٹی اوشا نے کہا کہ وہ ونیش پھوگاٹ کو نااہل قرار دیئے جانے سے حیران اور مایوس ہیں۔ آئی او اے کی طرف سے جاری کردہ ایک بیان میں ڈاکٹر پی ٹی اوشا نے کہا، میں اولمپک گیمز کے خواتین کی ریسلنگ 50 کلوگرام زمرے کے مقابلے میں ونیش کو نااہل قرار دیے جانے سے حیران اور مایوس ہوں۔” انہوں نے کہا کہ میں نے کچھ عرصہ قبل ونیش سے اولمپک ولیج پولی کلینک میں ملاقات کی تھی اور انہیں انڈین اولمپک ایسوسی ایشن، حکومت ہند اور پورے ملک کے مکمل تعاون کا یقین دلایا تھا۔ ہم ونیش کو تمام طبی اور جذباتی مدد فراہم کر رہے ہیں۔ ہندوستانی ریسلنگ فیڈریشن نے یونائیٹڈ ورلڈ ریسلنگ (یو ڈبلیو ڈبلیو) سے ونیش کو نااہل قرار دینے کے فیصلے پر نظر ثانی کی اپیل دائر کی ہے اور آئی او اے اس پر ہر ممکن طریقے سے عمل کر رہا ہے۔
میں ڈاکٹر دنشا پاردی والا کی زیرقیادت میڈیکل ٹیم اور شیف ڈی مشن گگن نارنگ ونیش کی پوری رات کی گئی انتھک کوششوں سے واقف ہوں۔ تمام نے اس بات کو یقینی بنایا کہ وہ مقابلے سے متعلق ضروریات کو پورا کر سکیں۔ آئی او اے اس بات کو یقینی بنانے کے لیے ہر قدم اٹھا رہا ہے کہ دستے کا حوصلہ بلند رہے۔ ہمیں یقین ہے کہ تمام ہندوستانی ونیش اور پوری ہندوستانی ٹیم کے ساتھ کھڑے ہوں گے۔ چیف میڈیکل آفیسر ڈاکٹر دنشا پاردی والا، نے کہا کہ کشتی میں، کھلاڑی عام طور پر اپنے وزن سے کم وزن کے زمرے میں مقابلہ کرتے ہیں۔ اس سے انہیں فائدہ ہوتا ہے کیونکہ وہ کم مضبوط حریف سے لڑتے ہیں۔ وزن کم کرنے کے عمل میں خوراک اور پانی کی مقدار کو کنٹرول کرنا، اور ورزش سے وقت تک پسینہ بہانا شامل ہے جب تک کہ صبح وزن کرنے کا وقت نہ ہو جائے۔” انہوں نے کہا کہ وزن کم کرنے سے کمزوری اور توانائی کی کمی ہوتی ہے جو کہ کھیلنے کے لیے مضر ہے۔ وزن بڑھنے کے بعد محدود پانی اور زیادہ توانائی والی خوراک دی جاتی ہے۔ ونیش کے غذائیت کے ماہر نے اسے 1.5 کلو گرام شمار کیا تھا۔ بعض اوقات مقابلہ کے بعد وزن میں دوبارہ اضافہ ہوتا ہے۔
ونیش کو تین مقابلے تھے، اس لیے پانی کی کمی کو روکنے کے لیے اسے تھوڑی مقدار میں پانی دینا پڑتا تھا۔ مقابلے کے بعد ان کا وزن بڑھا ہوا ملا۔ کوچ نے وزن کم کرنے کا آسان عمل شروع کیا جو اس نے ہمیشہ ونیش کے ساتھ کیا تھا اور انہیں یقین تھا کہ یہ حاصل ہو جائے گا۔ تاہم، ونیش کا وزن اس کے 50 کلوگرام وزن کے زمرے سے 100 گرام زیادہ پایا گیا اور اس لیے اسے نااہل قرار دے دیا گیا۔ بال کٹوانے سمیت تمام ممکنہ سخت اقدامات کیے گئے تھے۔
