نئی دہلی ( آئی این ایس انڈیا )
بھارتی ریسلر امن سہراوت کو پیرس اولمپکس 2024 کے سیمی فائنل میں شکست کا منہ دیکھنا پڑا۔ اس شکست کے ساتھ ہی مردوں کے زمرے میں ہندوستان کی چاندی اور گولڈ میڈل کی امیدیں بھی ختم ہوگئی ہیں۔ سیمی فائنل میں انہیں 57 کلوگرام کیٹیگری میں جاپان کے ہیگوچی ری سے شکست کا سامنا کرنا پڑا۔ ری ریو اولمپکس 2016 کے سلور میڈلسٹ ہیں۔امن، جنہوں نے پری کوارٹر اور کوارٹر فائنل میں کوئی پوائنٹ حاصل کیے بغیر اپنے حریف کو شکست دی تھی، یہ میچ 10-0 سے ہار گئے۔ قبل ازیں پری کوارٹر فائنل میں امن نے البانیائی کھلاڑی کو ٹیکنیکل سکور پوائنٹس پر 12-0 سے شکست دی تھی۔ ملک کو ان سے چاندی اور طلائی تمغوں کی امیدیں تھیں لیکن جاپانی کھلاڑی کی شاندار کارکردگی کے باعث وہ اٹیکنگ پوزیشن میں نہ آ سکے۔امن سیمی فائنل میچ میں فرسٹ سیڈ جاپانی ریسلر کے خلاف کچھ خاص نہ کر سکے اور یہ میچ صرف 2 منٹ 14 سیکنڈ تک جاری رہا۔ ری ہیگوچی نے تکنیکی برتری کی بنیاد پر کامیابی حاصل کی۔ بتا دیں کہ اگر کوئی پہلوان 10 پوائنٹس کی برتری حاصل کرتا ہے، تو میچ وہیں ختم ہو جاتا ہے۔ ہیگوچی نے ریو اولمپکس (2016) میں چاندی کا تمغہ جیتا ہے۔ اب اس کے پاس پیرس اولمپکس میں گولڈ جیتنے کا موقع ہے۔
