سید پرویز قیصر
سری لنکا اور انگلینڈ کے مابین جمعرات (29اگست) کو لارڈز کے تا ریخی میدان پر شروع ہونے والا سریز کا دوسرا ٹسٹ سری لنکا کا اس میدان پر نواں ٹسٹ ہے۔ اس ٹسٹ کے بعد لارڈز کرکٹ میدان ایسا میدان بن گیا جہاں اس نے سری لنکا سے باہر مشترکہ طور پر سب سے زیادہ ٹسٹ کھیلے ہیں۔ اس سے پہلے سری لنکا نے زمبابوے میں ہرارے اسپورٹس کلب میدان پر بھی نو ٹسٹ کھیلے تھے۔
سری لنکا نے ہرارے اسپورٹس کلب میدان پر1994 اور2020 کے درمیان نو ٹسٹ میچ کھیلے ہیں جس میں سے پانچ ٹسٹ میچوں میں اسے کامیابی ملی ہے اور چار میں شکست ہوئی ہے۔ سری لنکا کے میدانوں کو ملاکر لارڈز کرکٹ میدان کے نو ٹسٹ میچ اس کے لئے مشترکہ طور پر آٹھواں سب سے زیادہ ٹسٹ کھیلنے والا میدان ہے۔
سر ی لنکا نے سب سے زیادہ ٹسٹ میچ کولمبو کے سنہالیز اسپورٹس کلب میدان پر کھیلے ہیں۔ اس میدان پر اس نے 1984 سے اب تک45 ٹسٹ میچ کھیلے ہیں ۔اس میں21 ٹسٹ میچوں میں اسے کامیابی ملی ہے، دس ٹسٹ میچوں میں شکست ہوئی ہے اور چودہ ٹسٹ میچ برابر رہے ہیں۔ گول انٹر نیشنل اسٹیڈیم میں سری لنکا نے 1998 سے اب تک جو44 ٹسٹ میچ کھیلے ہیں اس میں25 ٹسٹ میچوں میں اسے جیت ملی ہے ، 13 ٹسٹ میچوں میں ہار ہوئی ہے اور چھ ٹسٹ میچ کسی فیصلہ کے ختم ہوئے ہیں۔اس میدان پر سری لنکا نے سب سے زیادہ ٹسٹ میچ جیتے ہیں۔کینڈی کے اصغریہ اسٹیڈیم میں سری لنکا نے1983 اور 2007 کے درمیان21 ٹسٹ میچ کھیلے ہیں جس میں سات میں اسے کامیابی ملی ہے ، نو ٹسٹ میچوں میں ہار ہوئی ہے اور پانچ ٹسٹ برابر رہے ہیں۔ کولمبو کے پی سارا وول میں بھی سری لنکا نے1982 اور 2019 کے درمیان21 ٹسٹ میچ کھیلے ہیں جس میں نو ٹسٹ میں اسے کامیابی ملی ہے، آٹھ ٹسٹ میچوں میں شکست ہوئی ہے اور چار ٹسٹ میچ کسی فیصلہ کے ختم ہوئے ہیں۔ یہ وہ میدان ہے جہاں سری لنکا نے اپنا پہلا ٹسٹ میچ بھی کھیلا تھا۔
ہرارے اسپورٹس کلب اور لارڈز کرکٹ میدان کی طرح پالے کیلے انٹرنیشنل کرکٹ اسٹیڈیم اور کولمبو کے آر۔پریم داسا اسٹیڈیم میں بھی سری لنکا نے نو۔نو ٹسٹ میچ کھیلے ہیں۔ پالے کیلے میں سری لنکا نے2010 اور2021 کے درمیان کو نو ٹسٹ میچ کھیلے ہیں اس میں دو ٹسٹ میچوں میں کامیابی ملی ہے، تین ٹسٹ میچوں میں شکست ہوئی ہے اور چار ٹسٹ میچ برابر رہے ہیں۔ آر پریم داسا اسٹیڈیم میں1992 اور 2017 کے درمیان سری لنکا نے نو میں سے چار ٹسٹ جیتے ہیں، ایک ٹسٹ میں اسے ہار ملی ہے اور چار ٹسٹ برابر رہے ہیں۔
لارڈز میں سری لنکا نے موجودہ ٹسٹ میچ سے پہلے جو آٹھ ٹسٹ میچ کھیلے ہیں ۔ اس میں دو ٹسٹ میچوں میں اسے شکست ہوئی ہے اور چھ ٹسٹ میچ برابر رہے ہیں۔اس میدان پر سری لنکا نے پہلا ٹسٹ اگست 1984میں کھیلا تھا جو برابر رہا تھا۔ سری لنکا نے پہلے بلے بازی کرتے ہوئے اپنی پہلی اننگ 166 اوور میں سات وکٹ پر491 رن بناکر ڈکلیر کردی تھی۔ انگلینڈ کے سبھی کھلاڑی147.1 اوور میں370 رن بناکر آوٹ ہوئے تھے جسکی بدولت سری لنکا کو پہلی اننگ کی بنیاد پر121 رن کی سبقت حاصل ہوئی تھی۔ سری لنکا نے اپنی دوسری اننگ 80 اوور سات وکٹ پر 294 رن بناکر ڈکلیر کردی تھی ۔ سری لنکا کا یہ انگلینڈ کے خلاف انگلینڈ میں پہلا اور کل ملاکر دوسرا ٹسٹ میچ تھا۔ سری لنکا نے اپنا پہلا ٹسٹ انگلینڈ ہی کے خلاف کھیلا تھا۔ فروری 1982 میں کولمبو کے پی سارا اوول میں ہوئے اس ٹسٹ میچ میں اسے سات وکٹ سے ہار ملی تھی۔لارڑز میں اگست 1988 اور اگست 1991 میں ہوئے میچوں میں سری لنکا کو شکست ہوئی تھی جبکہ 2002اور 2016 کے درمیان اسکے پانچویںٹسٹ برابر رہے تھے۔
لاڈرز میں شروع ہوئے نویں ٹسٹ میچ سری لنکا نے ٹاس جیت کر پہلے انگلینڈ سے بلے بازی کرائی تھی جس نے کھانے کے وقفہ تک24 اوور میں تین وکٹ پر 97 رن بنائے تھے۔
