بلند شہر، سماج نیوز سروس:سکندرآباد کوتوالی علاقہ میں ایک ہفتہ قبل ہوئے پراپر ٹی ڈیلر یامین قتل معا ملے کے اہم ملزم کو آج پو لیس نے گرفتار کرلیاہے ۔جس کے قبضہ سے ایک ناجائز طمنچہ بر آمد ہواہے ۔پو لیس نے پوچھ تاچھ کے بعد ملزم کو جیل بھیج دیاہے ۔جبکہ اس قتل میں ملوث تین ملزمین کو پو لیس پہلے ہی مڈبھیڑ کے دوران گرفتار کرکے جیل بھیج چکی ہے ۔کوتوالی انسپکٹر روی رتن سنگھ نے بتایا کہ ایک ہفتہ قبل یعنی 25اگست کو محلہ قاضی واڑہ ساکن پراپر ٹی ڈیلر یامین کا گولی مار کر قتل کردیا گیا تھا ۔جس میں یامین کے اہل خانہ نے قصبہ جیور ساکن سلیم کو نامزد کر تے ہوئے رپورٹ درج کرائی تھی ۔پو لیس تفتیش میں وا ضح ہوا کہ ملزم سلیم نے کرایہ کے شو ٹروں سے دولاکھ روپئے میں یامین کے قتل کا سودا طے کیا تھا ۔جس کے بعد جیو ر ساکن شا کر ،دادری ساکن جاوید اورمیر ٹھ ساکن رضا خان نے یا مین کا اس وقت گولی مارکر قتل کردیا تھا جب وہ صبح سیر کیلئے گلائو ٹھی روڈ پر جارہے تھے ۔اس معا ملہ میں کارروائی کر تے ہوئے پو لیس نے قتل کی واردات کوانجام دینے والے شوٹروں شاکر ،جاوید اور رضا خان کو مڈبھیڑ کے دوران گرفتار کر جیل بھیجا جاچکاہے ۔جس میں تینوں ہی بد معاش گولی لگنے سے زخمی ہوئے تھے اور واردات میں استعمال موٹر سا ئیکل بھی ملزم شا کر سے بر آمد ہوئی تھی ۔کوتوال روی رتن سنگھ نے بتایا کہ اس واردات کے اہم ملزم سلیم ولد سعید ساکن قصبہ جیور ضلع گوتم بدھ نگر کو بھی آج مخبر کی اطلاع پر طمنچہ سمیت گرفتار کر لیا گیاہے ۔پوچھ تاچھ کے بعد ملزم کے خلاف کارروائی کر تے ہوئے اسے جیل بھیجا جارہاہے ۔
