دیوبند (سماج نیوز سروس) تحفظ دین ختمِ نبوت میڈیا اتراکھنڈکے بینر تلے مفتی محمد شوقین حنفی مظاہری صدر صوبہ اتراکھنڈکی زیر نگرانی پورے صوبہ میں چل رہے تحفظ عقائد کے مشن کو آگے بڑھاتے ہوے آج روڑ کی ہریدوار روڈ پرواقع دینی ادارہ فلاح دارین اکیڈمی بھاراپورمیں ختم نبوت کوئز منعقد ہوئی۔اکیڈمی کے ناظم قاری محمد عالم کی موجودگی میں اکیڈمی کے جملہ طلباء طالبات نے مشترکہ طور پر ایک ہی نشست میں ختم نبوت کوئز کا پرچہ خوب دلجمعی کے ساتھ حل کیا۔اس موقع پر تحفظ ختم نبوت پیران کلیئر کے صدر مولانا محمد دانش نے تمام شرکاء امتحان طلبہ و طالبات کو تحفظ دین ختم نبوت میڈیا کے اس مشن سے آگاہ کیا اور روز بروز جنم لے رہے تمام فرقہ باطلہ کے پرُ زور مقابلہ کرنے اور نسل نو کو ایمان و عقائد کے تحفظ کے لئے ہمہ وقت بیدار رہنے کی اپیل کی۔انہوں نے کہاکہ مسلمانوں کے پاس ایمان ہی سب سے قیمتی دولت ہے، یاد رہے کہ عقائد کے فساد سے ایمان میں فساد برپا ہوجاتا ہے اس لیے عقائد کا تحفظ بہت ضروری ہے۔اس موقع پرقاری دلشاد نائب صدر کلیئر شریف، قاری ارشد سیکریٹری کلیئرشریف، ادارے کے ناظم قاری محمد عالم، مولانا محمد شاھد مظاہری، حافظ محمد کاشف ،مولوی محمد دانش قاسمی صدرتحفظ ختم نبوت حلقہ پیران کلیئر شریف آج کی اس ختم نبوت کوئز کے دوسرے مرحلے کی امتحانی نشست میں موجود رہے۔
