سید پرویز قیصر
راولپنڈی میں دوسرے ٹسٹ کے دوسرے دن پاکستان کی پہلی اننگ میںصائم ایوب اور شان مسعود کی دوسرے وکٹ کی شراکت میں 26.2 اوور میں107 رن جوڑے جو پاکستان کے لئے بنگلہ دیش کے خلاف دوسرے وکٹ کی چوتھی سو رن سے بڑی شراکت تھی۔
پاکستان کا پہلا وکٹ پہلے اوور کی آخری بال پر کسی اسکور کے بغیر گرگیا تھا۔ تیز بالر تسکین احمد نے عبداللہ شفیق کو بولڈ کرکے اپنی ٹیم کو پہلے ہی اوور میں کامیابی دلادی تھی۔ پہلا وکٹ گرنے کے بعدصائم ایوب اور شان مسعود 26.2 اوور میں107 رن کی شراکت کرنے میں کامیاب رہے تھے۔ شان مسعود کے آوٹ ہونے کے بعد یہ شراکت ٹوٹی تھی جو69 بالوں پر دو چوکوں کی مدد سے57 رن بناکر آوٹ ہوئے تھے۔انکے آوٹ ہونے کے بعد صائم ایوب نے اپنی اننگ جاری رکھی اور110 بالوں پر چار چوکوں اور دو چھکوں کی مدد سے58 رن بناکر آوٹ ہوئے۔
پاکستان کی جانب سے بنگلہ دیش کے خلاف دوسرے وکٹ کی سب سے بڑی شراکت کا ریکارڈ اظہر علی اور محمد حفیظ کے پاس ہے۔ ان دونوں کھلاڑیوں نے کھلنا میں اپریل2015 میں ہوئے ٹسٹ میچ میں60 اوور میں227 رن جوڑے تھے۔ پاکستان کا پہلا وکٹ11.5 اوور میں50 رن کے محموعی اسکور پر گرا تھا جس کے بعدا ظہرعلی اور محمد حفیظ نے 60 اوور میں227 رن جوڑے تھے۔ اظہرعلی کے آوٹ ہونے کی وجہ سے یہ شراکت ٹوٹی تھی جو246 منٹ میں177 بالوں پر چار چوکوں اور ایک چھکے کی مدد سے 83 رن بناکر آوٹ ہوئے تھے۔انکے آوٹ ہونے کے بعد محمد حفیظ نے اپنی اننگ جاری رکھی تھی اور 464 منٹ332 بالوں پر23 چوکوں اور تین چھکوں کی مدد سے224 رن بناکر آوٹ ہوئے تھے۔ اس شراکت کی بدولت پاکستان نے168.4 اوور میں628 رن بنائے تھے۔ یہ ٹسٹ کسی فیصلہ کے بغیر ختم ہوا تھا۔
کراچی میں اگست 2003 میں ہوئے ٹسٹ میچ میں محمد حفیظ اور یاسر حمید نے دوسرے وکٹ کی شراکت میں44.5 اوور میں134 رن جوڑے تھے جو پاکستان کی جانب سے بنگلہ دیش کے خلاف اس وکٹ کی دوسری سب سے بڑی شراکت ہے۔ پاکستان کا پہلا وکٹ 5.2 اوور میں دس کے مجموعی اسکور پر گرا تھا جس کے بعد ان دونوں کھلاڑیوں نے میچ کی چوتھی اننگ میں 134 رن کی شراکت کی تھی۔ محمد حفیط کے آوٹ ہونے کی وجہ سے یہ شراکت ٹوٹی تھی جو217 منٹ میں151 بالوں پر چھ چوکوں کی مدد سے50 رن بناکر آوٹ ہوئے تھے۔ انکے آوٹ ہونے کے بعد یاسر حمید نے اپنی اننگ جاری رکھی تھی اور229 منٹ میں161 بالوں پر15 چوکوں کی مدد سے105 رن بناکر آوٹ ہوئے تھے۔پاکستان نے اس ٹسٹ میں سات وکٹ سے جیت حاصل کی تھی۔
پاکستان کے لئے دوسرے وکٹ کی تیسری سب سے بڑی شراکت کا ریکارڈ اظہر علی اور توفیق عمر کے پاس ہے۔ان دونوں کھلاڑیوں نے میر پور، ڈھاکہ میں دسمبر 2011 میں ہوئے ٹسٹ میں47.3 اوور میں127 رن جوڑے تھے۔ پاکستان کا پہلا وکٹ 4.1 اوور میں23 رن کے مجموعی اسکور پر گرا تھا جس کے بعد یہ دونوں بلے باز127 رن کی شراکت کرنے میں کامیاب رہے تھے۔ اظہر علی کے آوٹ ہونے کی وجہ سے یہ شراکت ٹوٹی تھی جو205 منٹ میں147 بالوں پر سات چوکوں کی مدد سے57 رن بنانے میں کامیاب رہے تھے۔انکے آوٹ ہونے کے بعد توفیق عمر نے اپنی اننگ جاری رکھی اور361 منٹ میں256 بالوں پر16 چوکوں کی مدد سے130 رن بناکر آوٹ ہوئے۔ اس میچ میں پاکستانی ٹیم سات وکٹ سے فاتح رہی تھی۔
