گوتم گمبھیر کی آل ٹائم ٹیسٹ الیون سے روہت شرما باہر

نئی دہلی  ( آئی این ایس انڈیا )
سابق بھارتی بلے باز اور موجودہ بھارتی کرکٹ ٹیم کے ہیڈ کوچ ہیڈ کوچ گوتم گمبھیر نے اپنے آل ٹائم انڈیا ٹیسٹ الیون کا انتخاب کیا ہے۔ جس میں انہوں نے روہت شرما کی جگہ خود کو اوپنر کے طور پر منتخب کیا ہے۔ اس کے علاوہ انہوں نے ایم ایس دھونی اور ویراٹ کوہلی کی جگہ تجربہ کار لیگ اسپنر انیل کمبلے کو ٹیم کا کپتان مقرر کیا ہے۔اس کے علاوہ گمبھیر نے اپنی ٹیم میں موجودہ کپتان روہت شرما، تجربہ کار آگ اسپنر روی چندرن اشون اور تیز گیند باز جسپریت بمراہ کو شامل نہیں کیا ہے۔ گمبھیر نے اپنی ٹیم میں دھونی اور کوہلی دونوں کو منتخب کیا، لیکن حیران کن بات یہ تھی کہ انہوں نے انل کمبلے کو کپتان بنایا ہے اور اس بات پر زور دیا کہ وہ اب تک کھیلنے والے بہترین کپتانوں میں سے ایک ہیں۔اس کے علاوہ بائیں ہاتھ کے اس بلے باز نے سنیل گواسکر اور وریندر سہواگ کی جوڑی کو بطور اوپنر منتخب کیا اور تیسرے نمبر پر بیٹنگ کے لیے راہل دراوڈ کا انتخاب کیا ہے۔ مڈل آرڈر میں کرکٹ کے آئیکن سچن تنڈولکر، تجربہ کار بلے باز ویراٹ کوہلی، آل راو?نڈر کے کردار میں ون ڈے ورلڈ کپ جیتنے والے کپتان کپل دیو اور ایم ایس دھونی بطور وکٹ کیپر شامل ہیں۔گوتم گمبھیر نے انیل کمبلے اور ہربھجن سنگھ کو اسپنرز کے طور پر منتخب کیا ہے، جب کہ تیز گیندبازی کے شعبے میں جواگل سری ناتھ اور ظہیر خان جیسے تجربہ کار کھلاڑی شامل ہیں۔ گمبھیر نے اسپورٹ تک سے بات چیت میں کہا کہ جب سہواگ اور میں رات کا کھانا کھا رہے تھے تو کمبلے نے آکر کہا کہ کچھ بھی ہو جائے، آپ لوگ پوری سیریز میں اوپننگ کریں گے۔ یہاں تک کہ اگر آپ 8 بار صفر پر آو?ٹ ہو جائیں تو بھی کوئی فرق نہیں پڑتا۔گمبھیر نے کہا کہ میں نے اپنے کیریئر میں کبھی کسی سے ایسے الفاظ نہیں سنے ہیں۔ اس لیے اگر مجھے کسی کے لیے اپنی جان دینی پڑے تو وہ انیل کمبلے ہوں گے۔ وہ الفاظ آج بھی میرے دل میں ہیں۔ اگر وہ سورو گنگولی، ایم ایس دھونی یا ویراٹ کوہلی کی طرح لمبے عرصے تک بھارت کی کپتانی کرتے تو وہ بہت سے ریکارڈ بنا لیتے۔گوتم گمبھیر کی آل ٹائم ٹیسٹ الیون:سنیل گواسکر، وریندر سہواگ، راہول دراوڈ، سچن تنڈولکر، ویراٹ کوہلی، کپل دیو، ایم ایس دھونی، ہربھجن سنگھ، انیل کمبلے (کپتان)، ظہیر خان، جواگل سری ناتھ۔