چیئرمین پی ٹی آئی بیرسٹر گوہر کو رہا کردیا گیا

اسلام آباد :اسلام آباد پولیس نے تحریک انصاف کے چیئرمین بیرسٹر گوہر کو رہا کردیا۔ذرائع کے مطابق بیرسٹر گوہر علی خان کو پولیس نے خود ہی مقدمے سے ڈسچارج کر کے رہا کر دیا۔
گزشتہ روز اسلام آباد پولیس نے بیرسٹر گوہر، رکن قومی اسمبلی شیر افضل مروت سمیت متعدد پی ٹی آئی رہنماؤں کو گرفتار کیا تھا۔ پولیس نے پارلیمنٹ ہاؤس میں بھی داخل ہو کر پی ٹی آئی کے متعدد رہنماؤں کو حراست میں لیا تھا۔اسپیکر قومی اسمبلی سردار ایاز صادق نے پارلیمنٹ سے پی ٹی آئی رہنماؤں کی گرفتاریوں کا نوٹس لیتے ہوئے سخت کارروائی کا فیصلہ کر لیا۔ اسپیکر نے تمام ارکان کے پروڈکشن آرڈر جاری کرنے کا فیصلہ کیا ہے۔
ایاز صادق نے آئی جی اسلام آباد، ڈی آئی جی اور ایس ایس پی کو طلب کیا جس پر آئی جی اسلام آباد پارلیمنٹ ہاؤس پہنچے۔ اسپیکر نے آئی جی اسلام آباد کو ہدایت کی کہ جن اراکین کے نام ایف آئی آر میں نہیں انہیں فی الفور رہا کیا جائے جبکہ گزشتہ روز پیش آنے والے واقعات کی رپورٹ بھی طلب کر لی گئی۔