سید پرویز قیصر
چین کے شہرہولون بوئز میں جاری ایشیائی چمپیئز ٹرافی ہاکی میں روایتی حریف پاکستان اور ہندوستان کے درمیان لیگ میچ ہفتہ (14 ستمبر) کو کھیلا جائے گا۔ ہندوستان ن ابھی تک جو چار میچ کھیلے ہیں ان چاروںمیں جیت اپنے نام کی ہے۔ ہندوستان نے ان میچوں میں 19 گول کئے ہیں اور اسکے خلاف تین گول ہوئے ہیں۔ پاکستان نے چار میچوں میںگیارہ گول کئے ہیں اور چھ گول اسکے خلاف ہوئے ہیں۔ پاکستان نے چار میں سے دو میچ جیتے ہیں اور دو میچ برابر کھیلے ہیں۔
ہندوستان اور پاکستان کے درمیان ایشیائی چمپیئز ٹرافی ہاکی میں ابھی تک جوگیارہ میچ کھیلے ہیں ہیں اس میں ہندوستان نے سات میچوں میں جیت حاصل کی ہے جبکہ پاکستان نے دو میچ جیتے ہیں۔ دونوں کے درمیان دومیچ برابر بھی رہے ہیں۔ ان گیارہ میچوں میں ہندوستان نے28گول کئے ہیں جبکہ پاکستانی کھلاڑی22 مرتبہ بال کو جال میں ڈالنے میں کامیاب رہے ہیں۔
ایشیائی چمپیئز ٹرافی میں ہندوستان کا ریکارڈ ہ پاکستان کے خلاف اچھا ضرور ہے مگر کل ملاکر پاکستان کا ریکارڈ کافی اچھا ہے۔ دونوں ٹیموں کے درمیان ابھی تک جو180 بین الاقوامی میچ مختلف ٹورنامنٹوں میں کھیلے گئے ہیں اس میں پاکستان نے82 میچوں میں کامیابی حاصل کی ہے۔ ہندوستان نے66 میچ جیتے ہیں جبکہ32 میچ برابر رہے ہیں۔ پاکستان نے ان میچوں میں پورے402 گول کئے ہیں جبکہ ہندوستان کی جانب سے 377 گول داغے گئے ہیں۔
ہندوستان اور پاکستان کے درمیان جو آخری پانچ میچ کھیلے گئے ہیں اس میںچار میں ہندوستان نے جیت حاصل کی ہے۔پاکستان نے کوئی میچ نہیں جیتا ہے جبکہ ایک میچ برابر رہا ہے۔ ان میچوں میں ہندوستان نے22 گول کئے ہیں جبکہ پاکستان کے کھلاڑیوں نے سات مرتبہ بال کو جال میں ڈالا ہے۔
ہندوستان اور پاکستان کے درمیان ایشیائی چمپینز ٹرافی میں آخری میچ9 اگست2023 کو چنئی میں کھیلا گیا تھا جس میں ہندوستان نے4–0 سے جیت اپنے نام کی تھی۔ اس میچ سے پہلے دونوں کا مقابلہ ایشیا کپ ہاکی ٹورنامنٹ میں جکارتہ میں23 مئی2022 کوہوا تھا جو برابر رہا تھا۔ دونوں ٹیموں نے ایک۔ایک گول کیا تھا۔ نویں منٹ میں سلوام کارتی نے گول کرکے ہندوستان کو 1-0 کی برتری دلادی تھی۔ عبدلرانا نے میچ کے آخری لمحات میں پاکستان کے لئے گول کرکٹ میچ برابر کردیا تھا۔ پاکستان اور ہندوستان کے درمیان آخری میچ ہنگژو کے ایشیائی کھیلوں میں30 ستمبر2023 کو ہوا تھا جس میں ہندوستان نے10–2 سے کامیابی حاصل ک تھی جو ہندوستان کی پاکستان کے خلاف اب تک کی سب سے بڑی کامیابی ہے۔
پاکستان کا مجموعی ریکارٖڈ ہندوستان کے خلاف بھلے ہی اچھا ہے مگر ایشیائی کھیلوں کے اس میچ میں ہندوستان کے جیتنے کے چانس زیادہ ہیں۔
ایشیائی چمپیئز ٹرافی میں تین مرتبہ طلائی تمغہ جیتنے والی پاکستان کی ہاکی ٹیم کی کارکردگی ان دونوں اچھی نہیں ہے۔ اس نے 2018 میں جکارتہ ہوئے ایشیائی کھیلوں میں چوتھا مقام حاصل کیا تھا جبکہ ہندوستانی ٹیم نے کانسہ کا تمغہ حاصل کیا تھا۔ پیرس میں ہوئے ااولمپک کھیلوں نے ہندوستان نے کانسہ کا تمغہ جیتا تھا۔ ہندوستان اگر پاکستان کو شکست دیتی ہے تو اسکی پہلی پوزیش برقرار رہے گی۔ اگر اس میچ میں اسے شکست بھی ہوئی ہے تو اس کی پوزیشن پر کوئی فرق نہیں پڑے گا۔ دونوں نے سیمی فائنل کا ٹکٹ حاصل کرلیا ہے۔ پاکستان کا مقابلہ سیمی فائنل میں جنوبی کوریا سے ہوسکتا ہے جبکہ ہندوستان کا مقابلہ سیمی فائنل میں ملیشیا سے ہونے کی امید ہے۔
