چنئی ( آئی این ایس انڈیا ) بھارت اور بنگلہ دیش کے درمیان پہلا ٹیسٹ میچ چنئی کے ایم اے چدمبرم اسٹیڈیم میں کھیلا جا رہا ہے۔ بھارت میچ کے تیسرے ہی دن فتح کی دہلیز پر پہنچ گیا ہے۔ اب ٹیم انڈیا کو یہ میچ جیتنے کے لیے صرف چھ وکٹوں کی ضرورت ہے، جب کہ بنگلہ دیش کو جیتنے کے لیے ابھی بھی 357 رنز درکار ہیں۔تیسرے دن کے اختتام تک بنگلہ دیش کی دوسری اننگز میں چار وکٹ کھو کر 158 رنز بنا لیے ہیں۔شکیب الحسن 5 رنز اور کپتان نجم الحسن شانتو 51 رنز بنا کر کریز پر موجود ہیں۔ اس سے قبل تیسرے دن کے آغاز میں گل اور پنت نے بھارت کی جانب سے شاندار بلے بازی کی اور دونوں کھلاڑیوں نے سنچری اسکور کی۔پنت نے 124 گیندوں میں 4 چھکوں اور 11 چوکوں کی مدد سے اپنی سنچری مکمل کی۔ انہیں مہدی حسن معراج نے آؤٹ کیا۔ اس کے بعد گل نے 161 گیندوں میں 9 چوکوں اور 3 چھکوں کی مدد سے اپنے 100 رنز بنائے۔ گل کے علاوہ کے ایل راہل 22 رنز بنانے کے بعد ناٹ آوٹ لوٹے اور دونوں نے پانچویں وکٹ کے لیے 50 رنز کی شراکت قائم کی۔بھارت نے اپنی دوسری اننگز 4 وکٹوں پر 287 رنز پر ڈکلیئر کر دی۔جس کی وجہ سے بھارت نے بنگلہ دیش کو جیت کے لیے 515 رنز کا بڑا ہدف دیا۔ واضح رہے کہ بھارت نے روی چندرن اشون کی سنچری اور رویندر جڈیجہ اور یشسوی جیسوال کی نصف سنچریوں کی بدولت پہلی اننگز میں 376 رنز بنائے تھے۔ جس کے جواب میں بنگلہ دیش کی پوری ٹیم اپنی پہلی اننگز میں 149 رنز پر ہی سمٹ گئی تھی۔دریں اثنا بھارت اور بنگلہ دیش کے درمیان ایم اے چدمبرم اسٹیڈیم میں کھیلے جا رہے پہلے ٹیسٹ میچ کے تیسرے دن بھارت کے اسٹار بلے باز شبھ من گل نے شاندار سنچری اسکور کی۔ 25 سالہ دائیں ہاتھ کے اس بلے باز کے ٹیسٹ کیریئر کی یہ 5ویں سنچری ہے۔شبھ من گل، چنئی ٹیسٹ کے تیسرے دن سنچری اسکور کرنے کے ساتھ ورلڈ ٹیسٹ چمپئن شپ میں بھارت کے لیے سب سے زیادہ سنچریاں بنانے والے بلے بازوں کی فہرست میں وراٹ کوہلی کے بعد دوسرا مقام حاصل کرلیا۔ہفتہ کو بنگلہ دیش کے خلاف بنائی گئی سنچری شبھ من گل کی ٹیسٹ کرکٹ اور ڈبلیو ٹی سی میں 5ویں سنچری ہے جس کی وجہ سے وہ اب کوہلی، رشبھ پنت اور مینک اگروال کی 4-4 سنچریوں کو پیچھے چھوڑ دیا ہے۔ورلڈ ٹیسٹ چمپئن شپ (WTC) کی تاریخ میں بھارت کے لیے سب سے زیادہ سنچریاں بنانے کا مجموعی ریکارڈ کپتان روہت شرما کے نام ہے۔ 37 سالہ دائیں ہاتھ کے بلے باز نے اب تک کھیلے گئے 33 ڈبلیو ٹی سی میچوں میں 9 بار 100 رنز کا ہندسہ عبور کیا ہے۔ڈبلیو ٹی سی میں بھارت کے لیے سب سے زیادہ سنچریاں بنانے والے کھلاڑی1- روہت شرما – 9 سنچری،2- شبھ من گل – 5 سنچری،3- وراٹ کوہلی – 4 سنچری،4- مینک اگروال – 4 سنچری،5- رشبھ پنت – 4 سنچری،۔واضح رہے کہ چنئی ٹیسٹ کے تیسرے دن بھارت نے اپنی دوسری اننگز 4 وکٹوں کے نقصان پر 287 رنز پر ڈکلیئر کر دی ہے۔ جس کے ساتھ بھارت کو بنگلہ دیش پر مجموعی طور پر 514 رنز کی برتری حاصل ہوگئی ہے۔بھارت کی جانب سے دوسری اننگز میں شبھ من گل اور رشبھ پنت نے سنچری اسکور کی۔ پنت 109 رنز بنانے کے بعد مہدی حسن معراج کا شکار بنے ،جبکہ گل 119 رنز بنانے کے بعد ناٹ آوٹ رہے۔قابل ذکر ہے کہ شبھ من گل نے 8 مارچ 2024 کو انگلینڈ کیخلاف دھرم شالہ میں اپنے آخری ٹیسٹ میں بھارت کے لیے سنچری بنائی تھی۔
