سید پرویز قیصر
شارجہ کرکٹ اسٹیڈیم پر جنوبی افریقہ کے خلاف کھیلے گئے تین ایک روزہ بین الاقوامی میچوں کی سریز کے دوسرے میچ میں راشد خان نے شاندار بالنگ کا مظاہرہ کرتے ہوئے نو اوور میں19 رن دیکر پانچ کھلاڑیوں کو آوٹ کیا۔ انکی اس شاندار کارکردگی کی بدولت اٖفغانستان نے ایک روزہ بین الاقوامی کرکٹ میں رنوں کے اعتبار سے سب سے بڑی جیت حاصل کی۔ اس میچ میں افغانستان نے پہلے بلے بازی کرتے ہوئے مقررہ50 اوور میں چار وکٹ پر 311 رن بنائے تھے۔ جنوبی افریقہ کی پوری ٹیم34.2 اوور میں134رن پر سمٹ گئی تھی جسکی وجہ سے اسے اس میچ میں177 رن سے کامیابی ملی تھی۔
لیگ بریک گگلی بالر ، راشد خان نے اپنی26 ویں سالگرہ کے دن میچ میں پانچ کھلاڑیوں کو آوٹ کیا ۔ وہ ایک روزہ بین الاقوامی کرکٹ میں سالگرہ والے دن پانچ وکٹ لینے والے پہلے بالر بنے۔ان سے پہلے دو بالروں نے اپنی سالگرہ کے دن چار کھلاڑیوں کو آوٹ کیا تھا۔
اپنی سالگرہ کے دن ایک روزہ بین الاقوامی کرکٹ میں چار کھلاڑیوں کو آوٹ کرنے والے پہلے بالر جنوبی افریقہ کے ورنن فلینڈر تھے۔ اس تیز بالر نے اپنی 22 ویں سالگرہ ، 24جون 2007 کو آئیر لینڈ خلاف بلفاسٹ میں کھیلے گئے میچ میں5.5 اوور میں12 رن دیکر چار کھلاڑیوں کیا تھا۔ اس میچ میں جنوبی افریقہ نے پہلے بلے بازی کرتے ہوئے31 اوورمیں چار وکٹ پر 173 رن بنائے تھے۔ آئیرلینڈ کے سبھی کھلاڑی30.5 اوور میں131 رن بناکر آوٹ ہوئے تھے جسکی وجہ سے اسے42 رن سے شکست ہوئی تھی۔
انگلینڈ کے تیز بالر اسٹیورٹ بروڈ نے آسڑیلیا کے خلاف کارڈیف میں24 جون2010 کو اپنی24 ویں سالگرہ کے دن دس اوور میں44 رن دیکر چار کھلاڑیوں کو آوٹ کیا تھا۔ اس میچ میں انکی ٹیم چاروکٹ سے جیت حاصل کرنے میں کامیاب رہی تھی۔ پہلے بلے بازی کرتے ہوئے مقررہ 50 اوور میں سات و کٹ پر 239 رن بنائے تھے۔ انگلینڈ نے45.2 اوور میں چھ وکٹ پر 243 رن بناکر میچ چار وکٹ سے جیتا تھا۔
راشد خان نے2015 سے ابھی تک جو105 ایک روزہ بین الاقوامی میچ کھیلے ہیں انکی100 اننگوں میں5405 بالوں پر3797 رن دیکر19.98 کی اوسط اور4 28.4 کے اسٹرائیک ریٹ کے ساتھ190 کھلاڑیوں کو آوٹ کیا ہے۔ وہ پانچ مرتبہ ایک اننگ میں پانچ کھلاڑیوں کو آوٹ کرنے میں کامیاب رہے ہیں۔ وہ پانچ یا اس سے زیادہ مرتبہ ایک روزہ بین الاقوامی کرکٹ میں پانچ یا اس سے زیادہ کھلاڑیوں کو آوٹ کرنے والے چوتھے بالر ہیں۔
سری لنکا کے متھیہ مرلی دھرن ایک روزہ بین الاقوامی کرکٹ میں سب سے زیادہ مرتبہ ایک اننگ میں پانچ یا اس سے زیادہ کھلاڑیوں کو آوٹ کرنے والے بالر ہیں۔ انہوں نے1993 اور2011 کے درمیان جو350 ایک روزہ بین الاقوامی میچ کھیلے انکی341 اننگوں میں 18811 بالوں پر12326 رن دیکر23.08 کی اوسط اور35.22 کے اسٹرائیک ریٹ کے ساتھ534 کھلاڑیوں کو آوٹ کیا تھا۔ وہ دس مرتبہ ایک اننگ میں پانچ یا اس سے زیادہ کھلاڑیوں کو آوٹ کرنے میں کامیاب رہے تھے۔
نو مرتبہ ایک اننگ میں پانچ یا اس سے زیادہ کھلاڑیوں کو اپنا شکار بنانے والے شاہد آفریدی اس فہرست میں دوسرے مقام پر ہیں۔ پاکستان کے اس لیگ اسپنر نے1996 اور2015 کے درمیان جو398 ایک روزہ بین الاقوامی میچ کھیلے انکی 372 اننگوں میں 34.51 کی اوسط اور3 44.7کے اسٹرائیک ریٹ کے ساتھ395 کھلاڑیوں کو آوٹ کیا تھا۔
پاکستا ن کے آف اسپنر ثقلین مشتاق نے1995 اور2003 کے درمیان جو169 ایک روزہ بین الاقوامی میچ کھیلے انکی165 اننگوں میں8770 بالوں پر6275 رن دیکر21.78 کی اوسط اور30.45 کے اسٹرائیک ریٹ کے ساتھ288 کھلاڑیوں کو آوٹ کرنے میں کامیاب رہے تھے۔ انہوں نے چھ مرتبہ ایک اننگ میں پانچ کھلاڑیوں کو آوٹ کیا تھا۔
