سید پرویز قیصر
چنئی میں کھیلے گئے دو ٹسٹ میچوں کی سریز کے پہلے ٹسٹ میں بنگلہ دیش کی دوسری اننگ میں روی چندرن اشون نے21 اوور میں88 رن دیکرچھ کھلاڑیوں کو آوٹ کیا ۔ انہوں نے37 ویں مرتبہ ایک اننگ میں پانچ یا اس سے زیادہ کھلاڑیوں کو آوٹ کیا اور ٹسٹ کرکٹ میں دوسری سب سے زیادہ مرتبہ ایک اننگ میں پانچ یا اس سے زیادہ کھلاڑیوں کو آوٹ کرنے کا آسڑیلیا کے شین وارن کا ریکارڈ برابر کیا۔شین وارن نے145 ٹسٹ میچوں کی273اننگوں میں37 مرتبہ ایک اننگ میں پانچ یا اس سے زیادہ کھلاڑیوں کو آوٹ کیا ہے جبکہ روی چندرن اشون101 ٹسٹ میچوں کی191 اننگوں میں ایسا کرنے میں کامیاب رہے ہیں۔ سب سے زیادہ مرتبہ ایک اننگ میں پانچ یا اس سے زیادہ کھلاڑیوں کو آوٹ کرنے کا ریکارڈ سری لنکا کے متھیہ مرلی دھرن کے پاس ہے جنہوں نے133 ٹسٹ میچوں کی230 اننگوں میں67 مرتبہ ایسا کیا تھا۔
چنئی ٹسٹ کے اختتام تک روی چندرن اشون نے جو101 ٹسٹ کھیلے تھے انکی191 اننگوں میں 26370 بالوں پر12372 رن دیکر23.70 کی اوسط اور 50.51کے اسٹرائیک ریٹ کے ساتھ522 کھلاڑیوں کو آوٹ کیا ہے۔ انہوں نے37 مرتبہ ایک اننگ میں پانچ یا اس سے زیادہ وکٹ لینے کے علاوہ آٹھ مرتبہ ایک ٹسٹ میں دس یا اس سے زیادہ کھلاڑیوں کو آوٹ کیا ہے۔ اندور میں اکتوبر 2016 میں انہوں نے نیوزی لینڈ کے خلاف 13.5 اوور میں59 رن دیکر سات کھلاڑیوں کو آوٹ کیا تھا جو انکی ایک اننگ میں سب سے اچھی بالنگ کارکردگی ہے۔اس ٹسٹ میں انہوں نے 41.2 اوور میں140 رن دیکر13 کھلاڑیوں کو آوٹ کیا تھا جو ایک ٹسٹ میں انکی سب سے اچھی بالنگ کارکردگی ہے۔
سری لنکا کے متھیہ مرلی دھرن کو ٹسٹ کرکٹ میں سب سے زیادہ مرتبہ ایک اننگ میں پانچ یا اس سے زیادہ کھلاڑیوں کو آوٹ کرنے کا اعزاز حاصل ہے۔ اس آف اسپنر نے1992 اور1992 کے درمیان جو133 ٹسٹ میچ کھیلے تھے انکی230 اننگوں میں44039 بالوں پر 18180 رن دیکر22.72 کی اوسط اور4 55.0 کے اسٹرائیک ریٹ کے ساتھ پورے آٹھ سو کھلاڑیوں کو آوٹ کیا ہے۔ انہوں نے 67 مرتبہ ایک اننگ میں پانچ یا اس سے زیادہ اور22 مرتبہ ایک ٹسٹ میں دس یا اس سے زیادہ کھلاڑیوں کو آوٹ کیا ہے۔زمبابوے کے خلاف کینڈی میں جنوری2002 میں ہوئے ٹسٹ میں انہوں نے40 اوورمیں51 رن دیکر نو کھلاڑیوں کو آوٹ کیا تھا جو انکی ایک اننگ میں سب سے اچھی بالنگ کارکردگی تھی۔ اوول میں انگلینڈ کے خلاف اگست 1998 میں وہ113.5 اوور میں220 رن دیکر سولہ کھلاڑیوں کو آوٹ کرنے میں کامیاب رہے تھے جو ایک ٹسٹ میں انکی سب سے اچھی بالنگ کارکردگی ہے۔
آسڑیلیا کے لیگ اسپنر شین وارن نے145 ٹسٹ میچوں کی273 اننگوں میں40705 بالوں پر 17995 رن دیکر25.41 کی اوسط اور3 57.4 کے اسٹرائیک ریٹ کے ساتھ708 کھلاڑیوں کو آوٹ کیا ہے۔37 مرتبہ ایک اننگ میں پانچ یا اس سے زیادہ کھلاڑیوں کو آوٹ کرنے میں کامیاب رہے ہیں جبکہ دس مرتبہ وہ ایک میچ میں دس یااس سے زیادہ کھلاڑیوں کو آوٹ کرنے میں کامیاب رہے ہیں۔ ایک اننگ میں انکی سب سے اچھی بالنگ کارکردگی اوور میں رن دیکر50.2 اوور میں71 رن دیکر آٹھ وکٹ تھی جو انہوں نے انگلینڈ کے خلاف برسبین میں نومبر1994 میں انجام دی تھی۔ سڈنی میں جنوری1994 میں جنوبی افریقہ کے خلاف ہوئے ٹسٹ میچ میں انہوں نے 128 رن دیکر12 کھلاڑیوں کو آوٹ کیا تھا جو ایک ٹسٹ میچ میں انکی سب سے اچھی بالنگ ہے۔ اس ٹسٹ میں وہ دونوں اننگوں میں پانچ سے زیادہ کھلاڑیوں کو آوٹ کرنے میں کامیاب رہے تھے مگر وہ آسریلیا کو پانچ رن کی شکست سے نہیں بچا سکے تھے۔
