شاملی، سماج نیوز سروس: مولانا سید حبیب اللہ مدنی کو جمعیت علمائے ہند ضلع صدر سہارنپور منتخب کیا گیا ۔آج مدرسہ احیاء العلوم دبنی والا سہارنپور میں انتخابی مجلس منعقد ہوئی جسکی صدارت مدرسہ حسین احمد مدنی کے بانی و مہتمم مولانا سید حبیب اللہ مدنی نے فرمائ نظامت کے فرائض ناظم جمعیت ضلع سہارنپور مولانا مفتی عطاءالرحمن جمیل قاسمی نانکوی نے انجام دیے تلاوت قرآن کریم اور نعت پاک سے مجلس کا افتتاح ہوا صدارتی خطاب میں حضرت مولانا سید حبیب اللہ مدنی نے کہا جمعیت علمائے ہند گزشتہ ایک کثیر مدت سے ملک و ملت کی خدماتِ جلیلہ انجام دے رہی ہے۔ ہر دو سال میں جمعیت کے عہدے داران کا انتخاب عمل میں آتا ہے اور منتخب شدہ حضرات پوری مستعدی کے ساتھ کام کرتے ہیں مفتی عطاءالرحمن جمیل قاسمی ناظم جمعیت ضلع سہارنپور نے جمعیت علمائے ہند کے مقاصد اور آئین پر تفصیلی روشنی ڈالی اور کہا حضرت مولانا سید حبیب اللہ مدنی نے گزشتہ ٹرم میں بہت اچّھا کام کیا ہے حاجی شاہد نے ضلع صدر کے لیے مولانا سید حبیب اللہ مدنی کا نام پیش کیا جسے تمام شرکاء مجلس نے بسر و چشم قبول کر لیا بعدہ سکریٹری کے لیے مولانا عامر کا نام پیش کیا گیا جو منظور کر لیے گئے بعدہ حضرت مولانا سید حبیب اللہ مدنی نے ناظم جمعیت علمائے ہند ضلع سہارنپور کے لیے مولانا مفتی عطاءالرحمن جمیل قاسمی نانکوی کا نام پیش کیا جسکو تمام شرکاء مجلس نے قبول کر لیا نائب صدر سلسلہ وار حاجی شاہد قاری سعید مولانا شوکت کو منتخب کر لیا گیا آج کے میزبان جاب قاری زبیر عالم صاحب کو ضلع خزانچی منتخب کیا گیا شہر سہارنپور کا انتخاب بھی عمل میں آیا مولانا ساجد کاشفی کو شھر صدر مولانا اسعد حقانی کو سکریٹری حافظ نصیر کو ناظم اور قاری یوسف کو خزانچی منتخب کر لیا گیا ۔صدر مجلس حضرت مولانا سید حبیب اللہ مدنی کی دعاؤں پر مجلس کا اختتام ہوا مجلس میں راؤ محسن حاجی گل رحمان قاری حسین مولانا اطہر حقانی قاری منور قاری شمیم مولانا مطیع الرحمان مولانا مفتی کوکب مولانا ساجد محمد فاروق حافظ نصیر احمد ضلع کے دیگر ممبران و ذمہ داران نے شرکت کی۔
