چنئی (یو این آئی) ہندوستان کی انڈر 19 ٹیم نے نتیا پانڈے (94)، کے پی کارتیکیا (71)، نکھل کمار (61) اور کپتان سوہم پٹوردھن (61 ناٹ آؤٹ) کی نصف سنچری اننگز کی بنیاد پر پیر کو آسٹریلیا کے خلاف دوسرے چار روزہ ٹیسٹ میچ میں پہلے دن پانچ وکٹوں پر 316 رنز بنا کر میچ پر مضبوط گرفت کر لی ہے۔
آج چیپک اسٹیڈیم میں ہندوستانی ٹیم نے ٹاس جیت کر پہلے بیٹنگ کا فیصلہ کیا۔ ہندوستانی ٹیم کا آغاز اچھا نہیں تھا اور صرف چار رنز کے اسکور پر ویبھو سوریاونشی (3) آؤٹ ہو کر پویلین لوٹ گئے۔ ہوکسٹرا نے لی ینگ کے ہاتھوں ویبھو کو آؤٹ کر کے آسٹریلیا کو پہلی کامیابی دلائی۔ اس کے بعد ویہان ملہوترا اور نیتیا پانڈیا نے دوسری وکٹ کے لیے 60 رنز جوڑے۔ ملہوترا (10) کو رام کمار نے بولڈ کیا۔ اس کے بعد نتیا پانڈیا اور کے پی کارتیکیا نے تیسری وکٹ کے لیے 172 رنز کی شراکت قائم کی۔ اس دوران نتیا پانڈیا (94) سنچری سے محروم رہے۔ پانڈیا کو ہوکسٹرا نے رانالڈو کے ہاتھوں کیچ آؤٹ کیا۔ کے پی کارتیکیا نے 71 رنز بنائے۔ نکھل کمار (61) 5 رنز بنانے کے بعد آؤٹ ہوئے۔ نکھل کو پیٹرسن نے ہووے کے ہاتھوں کیچ آؤٹ کیا۔
دو میچوں کی اس سیریز میں ہندوستانی ٹیم کو 1-0 کی برتری حاصل ہے۔ دن کے کھیل کے اختتام پر کپتان سوہم پٹوردھن (ناٹ آؤٹ 61) اور ہرونش پنگالیا (سات) ناٹ آؤٹ رہے۔
آسٹریلیا کی جانب سے ہیری ہوکسٹرا نے دو جبکہ پیٹرسن، ہاوے اور رام کمار نے ایک ایک وکٹ حاصل کی۔
