لندن ( آئی این ایس انڈیا )
آئی سی سی نے پلیئرز کی رینکنگ جاری کردی ہے۔بیٹرز کی رینکنگ میں آسٹریلیا کے ٹریوس ہیڈ کی پہلی پوزیشن ہے۔ٹریوس ہیڈ 881 پوائنٹس کے ساتھ پہلے جب کہ ہندوستانی ٹی ٹوینٹی کے کپتان سوریا کمار یادیو 807 پوائنٹس کے ساتھ دوسرے نمبر پر موجود ہیں۔تیسرا نمبر انگلینڈ کے فل سالٹ کا ہے جن کے 800 پوائنٹس ہیں، پاکستان کے سابق کپتان بابراعظم ایک درجے ترقی کے بعد چوتھے نمبرپرآگئے ہیں،اور ان کے 755 پوائنٹس ہیں۔یعنی کہ رینکنگ میں ٹاپ تھری میں کوئی پاکستانی کھلاڑی شامل نہیں ہے۔ٹی ٹوینٹی بولرز میں انگلینڈ کے عادل رشید کی پہلی پوزیشن برقرار ہے، دوسرا نمبر ویسٹ انڈین بولر عقیل حسین اور تیسرا نمبر افغانستان کے مشہور اسپنر راشد خان کا ہے۔
انڈیا کے ارشدیپ سنگھ 8 درجے ترقی کے بعد 9 ویں نمبرپر آگئے، ٹی ٹوینٹی بولرز میں پاکستان کے شاہین آفریدی کا 13 واں نمبر ہے۔ٹی ٹوینٹی آل راؤنڈرز میں انگلینڈ کے لیام لیونگسٹن کا پہلا نمبر ہے، ہندوستان کے ہاردیک پانڈیا چار درجے ترقی کے بعد تیسرے نمبر پر ہیں۔ونڈے بلے بازوں میں بابراعظم کی پہلی پوزیشن برقرار ہے، ٹریوس ہیڈ کی ایک درجے ترقی 10 ویں نمبرپرآگئے۔ون ڈے بولرزمیں جنوبی افریقہ کے کیشو مہاراج کا پہلا نمبر ہے، ونڈے آل راؤنڈرز میں افغانستان کے محمد نبی پہلی پوزیشن پر ہیں۔
