بہارشریف(محمد راشد عالم)بہار دیہی ترقی کے وزیر شرون کمار نے جمعرات کے روز مڈل اسکول گورور سے گھاسی بیگھہ تک 91 لاکھ رقم کی لاگت سے 1.1 کلومیٹر لمبی سڑک کا سنگ بنیاد رکھا گیا۔اس موقع پر وزیر شرون کمار نے کہا کہ پورا بہار وزیر اعلیٰ نتیش کمار کی قیادت میں تیزی سے ترقی کر رہا ہے۔گاؤں کی ترقی کے لیے کام کیا جا رہا ہے اب دیہات شہروں کی طرح نظر آنے لگے ہیں۔دیہاتیوں کو ہر گھر میں نل کا پانی،ہر گھر میں بجلی،پکی نالیوں اور گلیوں سمیت دیگر اسکیموں کے فوائد مل رہے ہیں۔ خواتین روزی روٹی میں شامل ہو کر خود کفیل ہو گئی ہیں اب وہ دوسری ریاستوں میں جا کر وہاں کی خواتین کو اپنا ہنر سکھا رہی ہیں۔ریاست میں نتیش کمار کے اختیار کردہ کاموں کو دوسری ریاستوں کے لوگوں نے اپنانا شروع کر دیا ہے۔ ریاست کے ہر گاؤں کو سڑکوں سے جوڑا گیا ہے اس سے کسانوں اور دیہاتیوں کے لیے منڈی تک پہنچنا بہت آسان ہو جاتا ہے۔ریاست کے طلباء کو کپڑے،سائیکل اور دیگر مراعات دی جارہی ہیں۔کسانوں کو کاشتکاری کے لیے نئی تکنیک کی تربیت دی جا رہی ہے۔حکومت کسانوں کو رعایتی نرخوں پر بیج،کھاد اور کاشتکاری کے اوزار فراہم کر رہی ہے۔بہار کے لوگوں کو نتیش کمار پر پورا بھروسہ ہے اور آنے والے اسمبلی انتخابات میں عوام ایک بار پھر نتیش کمار کو پسند کریں گے اور مکمل اکثریت کے ساتھ نتیش کمار کی قیادت میں حکومت بنے گی۔اس موقع پر رکن پارلیمنٹ کوشلندر کمار نے کہا کہ وزیر اعلیٰ نتیش کمار کے ذریعہ اختیار کئے گئے کاموں کو اب دوسری ریاستوں کے لوگ بھی اپنا رہے ہیں۔مرکزی اور ریاستی حکومتیں ترقی کے لیے مل کر کام کر رہی ہیں۔نالندہ کے راجگیر کو عالمی سطح پر مقام حاصل کرانے کا کام نتیش کمار نے کیا ہے۔اس موقع پر جے ڈی یو لیڈر منا کمار،دیانند پرساد،جے ڈی یو بلاک صدر جے رام سنگھ،جے ڈی یو سٹی صدر راکیش کمار،اجیت کمار ورما،مکھیا رانی دیوی،اجے پاسوان،سمیر کمار،منیش اور دیگر لوگ موجود تھے۔
