ممبئی،پریس ریلیز ،ہماراسماج:آج یہاں جمعیۃ علماء شہر و ضلع اورنگ آباد کے زیر اہتمام حج ہائوس نزد شاہی مسجد اورنگ آباد میں نہایت تزک و احتشام کے ساتھ ایک عظیم الشان عالمی مظاہرہ قرآت کا انعقاد عمل میں آیا جس کی صدارت حضرت مولانا حافظ محمد ندیم صدیقی صاحب ( صدر جمعیۃ علماء مہا راشٹر ) نے فر مائی ،اس اجلاس میں ملک و بیرون ملک کے قراءکرام باالخصوص مصر کے مشہور و معروف قاری المقری شیخ عبد الناصر حرک صاحب مصری،ایران کے مشہور و معروف قاری المقری شیخ سید جواد حسینی صاحب ایرانی ،حضرت مولانا قاری آفتاب احمد خان صاحب ( استاذ تجوید و قرأت دار العلوم دیو بند ) قاری فضل الرحمن صاحب دہلی ( اقرا ء حمد و نعت اکیڈمی )قاری عبد الرحیم صاحب دیولہ ( استاذ شعبہ تجوید و قرآت جامعہ اسلامیہ ( تعلیم الدین ڈابھیل گجرات )قاری سعید احمد صاحب کاوی ،قاری ابو بکر سملکی استاذ شعبہ تجوید و قرأت ( جامعہ اصلاح البنات سملک گجرات )قاری سراج جامعی صاحب و دیگر نے شرکت فر مائی ۔اس موقع پر اجلاس میں شریک تمام قراءکرام نے یکے بعد دیگرے خوش الحانی کے ساتھ تلاوت فرمائی، قرآن کریم کی نورانی آیات کی خوشبو سے مجلس معطر ہو گئی، ایک سماں بندھ گیا ،اس میں کوئی شک نہیں ہے کہ ا للہ کی آخری کتاب ‘قرآنِ کریم ‘میں لفظی ومعنوی حسن بھی بلا درجے کا ہے ۔جب ایک قاریٴ قرآن دل کی گہرائی سے سوز واندازسے تلاوتِ قرآن کرتا ہے تو پاکباز روح اس سے مسرور ہوجاتی ہے۔خوبصورت آواز میں کی گئی تلاوت دل میں اُترتی جاتی ہے۔ اس لئے موجودہ حالات میںضرورت اس بات کی ہے کہ لہو و لعب کے کاموں میں دل لگانے کے بجائے تلاوتِ قرآنِ مجید میں مسلمانوں کا دل لگایا جائے۔ اگر وہ اس تلاوت کے ساتھ ان الفاظ کا مفہوم بھی بلا واسطہ سمجھ سکیں تو پھر یہ اثر آفرینی دو چند ہو جائے۔ نوجوانوں کو چاہئے کہ قرآن کی اس انداز سے تلاوت کریں کہ دل ذکر الہی میں محو ہو جائے اور ان میں خضوع و خشوع کی کیفیت پیدا ہو ہوجائے اور دل کی گہرائیوں میں اترجائے۔اس اجلاس میں مہمان خصوصی کے طور پر مفتی معزالدین قاسمی صاحب،مولانا عبد الرشید مدنی صاحب، مولانا نسیم الدین صاحب مفتاحی ، مولانا عبد الشکور صاحب جامعی ، قاری محب اللہ صاحب ،قاری ڈاکٹر سید انواراللہ حسینی صاحب ،مولانا محفوظ الرحمن فاروقی صاحب ،مفتی انیس الرحمن صاحب ،مولانا عارف صاحب،مفتی محمد ناصر صاحب ،مولانا شریف نظامی صاحب ،انجینئر عبد الروف صاحب ،ڈاکٹر شعیب ہاشمی صاحب،حافظ اسرارالحق ناندی و دیگر شریک تھے ، اجلاس کو کامیابی سے ہمکنار کرنے کے لئے حاجی خلیل خان صاحب( شہر صدر جمعیۃ علماء اورنگ آباد ) قاری محمد افروز بلڈر صاحب ( ( نائب صدر جمعیۃ علماء اورنگ آباد ) نے اہم رول نبھایا ، اجلاس کے انتظام و انصرام میں حافظ اقبال انصاری ، قاری امین الدین جامعی صاحب،حکیم حافظ عبد الصمد اشاعتی صاحب ،مولانا شیخ عیسی اشاعتی صاحب و دیگر نے اہم کردار ادا کیا ۔ صدر اجلاس مولانا حافظ محمد ندیم صدیقی صاحب کے مختصر خطاب اور دعاء کے بعد اجلاس کا اختتام عمل میں آیا۔
