ایران: سردار محاذ استقامت شہید قاسم سلیمانی کی شہادت کی برسی ایران سمیت پوری دنیا میں انتہائی عقیدت و احترام کے ساتھ منائی جارہی ہے ایران کے شہر کرمان میں شہید قاسم سلیمانی کے مزار پر لاکھوں عقیدت مندوں نے حاضری دے کر انہیں شاندار خراج عقیدت پیش کی تہران میں بھی شہید کی برسی کا مرکزی پروگرام مصلائے امام خمینی میں منعقد ہوا جس میں مختلف طبقوں کے عوام نے شرکت کی اس پروگرام میں ایرانی اعلی مذہبی، سول اور فوجی شخصیات شرکت کے صدر ایران ڈاکٹر مسعود پزشکیان نے مصلائے تہران میں شہید جنرل قاسم سلیمانی کی پانچویں برسی کے موقع پر منعقدہ پروگرام سے خطاب میں شہید سیلمانی کو ملت ایران کے لئے دائمی نمونہ عمل قرار دیا اور کہا کہ آج ایران میں شہید سلیمانی کی راہ پر گامزن رہنے سے ہی یکجہتی قائم ہے اور یہ علاقے اور دنیا کے نمونہ نمونہ عمل بن سکتا ہے۔
صدر ڈاکٹر مسعود پزشکیان نے اس بات کی جانب اشارہ کرتے ہوئے کہ ظالم کا دشمن ہونا اور مظلوم کا مددگار ہونا ایک ایسا عمل تھا جسے شہید سلیمانی نے کر کے دکھا دیا کہا کہ آج ہم شہداء کی یاد منا رہے ہيں جنھیں ظالم و خیانت کار امریکہ نے پانچ سال پہلے علاقے میں شہید کردیا تھا۔ اسلامی جمہوریہ ایران کے صدر نے مزید کہا کہ شہید سلیمانی نے ایران اور علاقے میں ہرجگہ مظلوم کی مدد کی اور یہ نہیں دیکھا کہ اس مظلوم کا تعلق کس مذہب و ملت سے ہے اور شہید سلیمانی نے مظلوم کی مدد کرنے کے لئے رات دن ایک کردیاتھاڈاکٹر پزشکیان نے کہا کہ شہید سلیمانی اتحاد اسلامی قائم کرنے کے لئے کوشاں تھے جبکہ دشمن آج تفرقہ اندازی کر رہا ہے لہذا ہمیں اتحاد کے ذریعے دشمنوں کی سازشوں کو ناکام بنا دینا چاہئے۔
دریں اثنا رہبر انقلاب اسلامی کے مشیر محمد مخبر نے بھی شہید سلیمانی کی برسی کے پروگرام کے موقع پر حاج قاسم سلیمانی کو ایرانی معاشرے کا ہیرو قرار دیا اور کہا کہ حاجی قاسم امن کے لئے لڑے، وہ اخلاص کا پیکر، مستقبل کی امید اور گروہ و پارٹی سے ماوری تھے۔ رپورٹوں کے مطابق ایران کے مختلف علاقوں میں شہید قاسم سلیمانی کی برسی منائی گئی اور اس موقع پر قرآن خوانی و مجالس عزا سمیت مختلف قسم کے پروگراموں کا انقعاد ہوا۔
سخت سردی اور برف باری کے باوجود ایران کے مختلف شہروں میں شہید جنرل قاسم سلیمانی کی برسی کے پروگرام منعقد کئے گئے ہيں ۔اس سلسلے میں سب سے بڑا پروگرام شہر کرمان کے گلزار شہداء میں منعقد ہوا ہے جس میں ہزاروں افراد نے شرکت کی ہے اور شہید محاذ استقامت شہید قاسم سلیمانی کو خراج عقیدت پیش کرنے کے ساتھ ہی آپ کے نقش قدم پر چلتے رہنے کا عہد کر رہے ہيں۔ رپورٹوں کے مطابق گزشتہ برسوں کی مانند اس سال بھی کرمان ، تہران ، مشہد ، قم اور ایران کے دیگر شہروں میں شہید سلیمانی کی برسی کی مناسبت سے موکب برپا کرکے اس شہید والا مقام کی یاد تازہ کی جا رہی ہے اور خراج عقیدت پیش کیا جا رہا ہے۔عینی شاہدوں کے مطابق کرمان میں ہونے والے شہید کی برسی کے پروگرام میں ایرانی عوام کے ساتھ ہی دنیا کے دیگر ممالک کے افراد بھی نظر آ رہے ہیں۔ ایران کی طرح پاکستان اور ہندوستان سمیت دنیا کے دیگر ممالک میں بھی شہید جنرل قاسم سلیمانی کی برسی کے موقع پر قرآن خوانی ، مجالس عزا اور ثقافتی و مذہبی پروگراموں کا انعقاد کیا گیا۔ شہید قاسم سلیمانی سلیمانی کی برسی کے موقع پر ایرانی وزیر دفاع جنرل عزیز نصیرزادہ نے ایک پروگرام سے خطاب کرتے ہوئے شہید حاج قاسم سلیمانی اور دیگر تمام شہدا کو خراج عقیدت پیش کیا اور کہا کہ شہید قاسم سلیمانی نے اسلامی جمہوریہ ایران اور دنیائے اسلام کے لیے بے مثال قربانیاں دی ہیں اور ان کا مکتب فکر بھی عاشور، اسلام اور انقلاب کے مکتب سے جدا نہیں تھا۔ ایرانی وزیردفاع نے کہا کہ یہ تمام مکاتب ظلم کے خلاف جدوجہد، استکبار کے خلاف مزاحمت اور مظلوموں کے دفاع کے اصولوں پر مبنی ہیں۔
