وزیر اعظم نریندر مودی کا 13جنوری کو دورہ کشمیر

بلال بزاز
سرینگر ،سماج نیوز سروس:سونہ مرگ میں زیڈ موڑ ٹنل کا افتتاح کرنے کیلئے وزیر اعظم نریندر مودی 13جنوری کو کشمیر دورے پر وارد ہو رہے ہیںجس کے چلتے شہر سرینگر سمیت وادی کے دیگر علاقوں میں سیکورٹی کے سخت ترین انتظامات کئے گئے ہیں ۔ وزیر اعظم کے دورے کے پیش نظر تیاریوں کو حمتی شکل دی گئی ہے کہ جبکہ سونہ مرگ اور اس کے اس پاس علاقوں کو سیکورٹی فورسز کی تحویل میں دیا گیا ہے ۔تفصیلات کے مطابق سرینگر سونہ مرگ شاہراہ پر واقع زیڈ موڑ ٹنل کا افتتاح کرنے کیلئے وزیر اعظم نریندر مودی 13جنوری کو کشمیر وارد ہو رہے ہیں ۔جس دوران وہ ٹنل کا افتتاح کرنے کے ساتھ عوامی ریلی سے بھی خطاب کریں گے ۔ زیر اعظم نریندر مودی کے دورے کے پیش نظر سونہ مرگ اور اس کے آس پاس کے علاقے کو کثیر سطحی حفاظتی اقدامات اٹھائیں گئے ہیں ۔ تزویراتی لحاظ سے اہم زیڈ مورہ ٹنل کے افتتاح کیلئے وزیر اعظم نریندر مودی کے متوقع دورے کیلئے سونمرگ میں تیاریاں زوروں پر ہیں۔اس سلسلے میں اسپیشل پروٹیکشن گروپ (ایس پی جی)جو وزیر اعظم کی حفاظت کا ذمہ دار ہے، سونمرگ پہنچ گیا ہے اور انتظامات کی نگرانی کر رہا ہے۔سینئر پولیس حکام نے کہا کہ افتتاح کے مقام کو ابھی حتمی شکل دی جا رہی ہے۔ٹنل کے افتتاح کے بعد وزیر اعظم سونمرگ میں ایک عوامی ریلی سے خطاب کرنے والے ہیں۔انہوں نے کہا کہ ہائی پروفائل ایونٹ کی تیاریوں کیلئے سونمرگ اور اس کے آس پاس کے حفاظتی اقدامات کو تیز کر دیا گیا ہے۔فوج، نیم فوجی دستوں اور جموں و کشمیر پولیس کی مشترکہ ٹیمیں علاقے میں گشت کر رہی ہیں جبکہ سرنگ کی طرف جانے والے اہم راستوں پر اضافی چوکیاں قائم کی گئی ہیں۔ادھر سرینگر کے بیشتر مقامات پر اضافی چیک پوائنٹس قائم کئے گئے ہیں اور ساتھ ہی ناکوں پر چیکنگ بھی تیز کر دی گئی ہے۔ پولیس کے ایک سنیئر عہدیدار نے بتایا کہ وزیر اعظم نریندر مودی کے دورے کشمیر کے پیش نظر کثیر سطحی حفاظتی اقدامات اٹھائیں گئے ہیں ۔ وزیر اعظم کی جانب سے ٹنل کے افتتاح کے مقام کی طرف جانے والی سڑکوں کے ساتھ بڑی تعداد میں سیکورٹی اہلکاروں کو تعینات کیا گیا ہے۔انہوں نے کہا کہ پولیس اور نیم فوجی دستوں نے درجنوں مقامات پر گاڑیوں کی بے ترتیب چیکنگ کو تیز کر دیا ہے اور خصوصی چوکیاں قائم کی گئی ہیں۔