جمعیۃ علماء ملک او رملت کے ہر شعبہ حیات میں رہ نمائی کا فریضہ انجام دے رہی ہے

سانگلی ،پریس ریلیز،ہماراسماج:جمعیۃ علماء ہند کسی تعارف کی محتاج نہیں جمعیۃ علماء ہند کے ممبر بننا اپنی سعادت سمجھیں۔ ہم سب جانتے ہیں کہ جمعیۃ ہی وہ تنظیم ہے جس نے ہر مشکل میں مسلمانان ہند کی مدد کی ہے۔ یہاں تک کہ انگریز کے قبضے سے ہمارے وطن کو آزاد کرانے میں ہمارے اکابر نے اس پلیٹ فارم سے کام کیا ہے۔ پھر اسکے بعد مذہب کے نام پر سازش کے تحت ملک کے بٹوارے کے خلاف بھی جمعیۃ علماء ہی کھڑی تھی، اور مسلمانوں کی صحیح رہبری کر رہی تھی۔ یہ باتیں جمعیۃ علماء مہا راشٹر کے صدر حضرت مولانا حافظ محمد ندیم صدیقی صاحب نے جمعیۃ علماء کے زیر اہتمام رمضان مسجد 100 فٹ روڈ سانگلی میں منعقدہ میٹنگ سے خطاب کرتے ہوئے کیا ۔مولانا موصوف نے اپنے بیان میں کہا کہ اس جماعت کے قائم کرنے والوں نے اسلام اور شعائر اسلام کے تحفظ کو سب سے بنیادی مقصد قرار دیا تھا جس پر آج بھی وہ قائم ہے، جمعیۃ علماء ملک او رملت کے ہر شعبہ حیات میں رہ نمائی کا فریضہ انجام دے رہی ہے، جمعیۃ علماء کو یہ امتیازی شان حاصل ہے کہ وہ مسلمانوں کی فکری رہ نمائی کے فریضے کو انجام دیتی ہے،بالکل اسی نہچ پر جس پر اس کے اکابر نے انجام دیا تھا۔ مولانا ندیم صدیقی نے مزید کہ کہ جمعیۃ علما ء ہند ملک میں مظلوموں، بے سہارا لوگوں کے لیے کام کرتی ہے،نیز مدارس و مساجدخانقاہوں درگاہوں کی حفاظت کے لئے بھی دن رات کوشاں ر ہتی ہے اور ہمارے لیے دشمن کے خلاف اٹھتی ہے اور مسائل حل کراتی ہے۔۔ مولانا محمود دیوبندی، مولانا حسین احمد مدنی ، مولانا ابو الکلام آزاد ، مولانا حفظ الرحمن سیوہاروی ، مولانا عبد الباری فرنگی محلی وغیرہ حضرات اکابرین سب اسی جماعت کے حصہ تھے۔ مولانا ندیم صدیقی صاحب نے جمعیۃ علماء کی خدمات اور قربانیوں پر مفصل گفتگو کرتے ہوئے فرمایا کہ ہمیں اپنے اکابرین کی قربانیوں ان کی خدمات اور جمعیۃ سے وابستگی پرخدا کا شکر ادا کرنا چاہئے کہ اس نے ہمیں کام کرنے کا موقع دیا ہے۔ اسوقت اسی موقر تنظیم کی تین سالہ ٹرم کےلئے ممبر شپ مہم جاری ہے ہمارے لیے سعادت کی بات ہے کہ صرف 10 روپئے خرچ کرکے ہم اسکے ممبر بنیں اور اپنے بڑوں کی آواز کو مضبوط کریں ۔ اس مشاورتی اجلاس کا آغاز قرآن کریم کی تلاوت اور نعتیہ کلام سے ہوا ، جس میں جمعیۃ علماء ضلع سانگلی کے جملہ عہدے داران و اراکین حافظ عبد الروف صاحب کار گذار صدر جمعیۃ علماء ضلع سانگلی ،حافظ صدام حسین جنرل سکریٹری جمعیۃ علماء ضلع سانگلی مولانا زبیر بیپاری صدر جمعیۃ علماء میرج سمیت تقریبا تمام تعلقہ جمعیتوں کے صدور و نظماء و اراکین بڑی تعداد میں شریک تھے ۔صدر محترم کے ساتھ دورہ کے موقع پر مولانا عبد الرحمن عرف عبد الروف صاحب ( صدر جمعیۃ علماء ضلع کو لھاپور ) حافظ زبیر سکندر صاحب ( سکریٹری جمعیۃ علماء ضلع کولھاپور ) و دیگر موجود تھے ۔