بہارشریف(محمد راشد عالم) نالندہ ضلع ہیڈکوارٹر بہارشریف شہر کے مغل کنواں نیو رہوئی روڈ واقع گرین لائف پبلک ویلفیئر سوسائٹی نے اپنی دوسری شاخ لندن کانوینٹ اسکول کا شاندار افتتاح کرکے تعلیم کی دنیا میں ایک اور نئے باب کا اضافہ کیا ہے۔اس موقع پر نالندہ کے ایم پی کوشلندر کمار،سابق ایم ایل اے انجنیئر سنیل کمار،سابق ایم ایل اے روی جیوتی،میئر نمائندہ منوج کمار تانتی،ڈپٹی میئر نمائندہ دانش ملک،سابق ڈپٹی میئر ندیم ظفر عرف گلریز انصاری،سماجی رہنما یاسر امام،ڈاکٹر عائشہ فاطمہ،وارڈ کونسلر پپو یادو،تنویر عالم،آشیش کمار،پپو خان،اجے پاسوان،امارت شرعیہ کے قاضی منصور عالم قاسمی،ہند میڈیکل محمد اعظم،ڈاکٹر صابری احسن،ڈاکٹر امریندر کمار،ڈاکٹر کاہکاشا تسنیم،ڈاکٹر شنکر پٹیل،صغریٰ اسکول کے سابق پرنسپل ارشد استھانوی،روز میری لینڈ اسکول کی پرنسپل ناظرہ پیکر میم،ضلع کونسل کے نمائندہ سلن مہتو وغیرہ موجود تھے۔اس موقع پر سینکڑوں معززین نے شرکت کی اور نیک تمناؤں کا اظہار کیا۔اس موقع پر گرین لائف پبلک ویلفیئر سوسائٹی کے سیکرٹری انجنیئر علی احمد،لندن کانونٹ اسکول کی پرنسپل ڈاکٹر حلیمہ خان،پرائم ہیڈ گفران نے کہا کہ یہ بہارشریف کا ایک ایسا اسکول ہے جو آئی سی ایس سی بورڈ کے نصاب سے چلایا جا رہا ہے،جو مکمل طور پر ایئر کنڈیشنڈ ہے اور اس میں بچوں کے لیے ڈجیٹل کلاسز اور ڈجیٹل کلاسز کی خصوصی سہولیات موجود ہیں۔انگریزی بولنے والے ماحول کے ساتھ اسکول کا دورہ کرنے کے بعد تمام مہمانوں نے اسے ادارے کا تاریخی قدم قرار دیا اور کہا کہ بہارشریف ایک اسمارٹ سٹی بن چکا ہے لیکن یہاں ایک اسمارٹ اسکول کی اشد ضرورت تھی جسے لندن کانونٹ اسکول پورا کر رہا ہے اور شہر کے باسیوں سے اپیل کی کہ وہ ایک بار اسکول کا دورہ کریں کیونکہ بچے کل کا مستقبل ہیں اور شہر تب ہی اسمارٹ ہو گا جب ہمارے بچے ڈیجیٹل طور پر اسمارٹ ہوں گے۔لندن کنوینٹ اسکول کی خاصیت یہ ہے کہ یہاں جو بھی تعلیم دی جاتی ہے وہ بہت ہی کم خرچ پر اچھی تعلیم دستیاب ہے۔اچھی تعلیم کی سبب اسکول،والدین اور ریاست کا نام روشن ہوتا ہے ویسے بھی نالندہ علم کی سرزمین رہی ہے اور نالندہ کے طالب علم نے ملک اور بیرونی ملک میں بھی اپنی کامیابی کا پرچم لہرانے میں کامیابی حاصل کی ہے۔
