نالندہ میں سڑک حادثہ میں ایک معمر شخص کی موت،گھروں میں ماتم

بہارشریف(محمد راشد عالم) نالندہ ضلع کے چنڈی تھانہ علاقے میں سڑک حادثہ میں ایک معمر شخص کی موت ہونے کا معاملہ رونما ہوا ہے۔ذرائع کے مطابق چنڈی تھانہ علاقہ کے بنسی بیگھہ گاؤں کے رہائشی مرحوم سکھاری مانجھی کے 75 سالہ بیٹے وگن مانجھی کی واپسی کے دوران ٹریکٹر کی زد میں آکر موت ہوگئی۔متوفی کے لواحقین نے بتایا کہ وہ صبح دامنی کھاڑ کے کندھے میں رفع حاجت کے لیے نکلا تھا اور رفع حاجت سے فارغ ہونے کے بعد گھر واپس آتے ہوئے سڑک کنارے لگے درخت سے داتن توڑنے لگے تو اسی درمیان ایک بے قابو ٹریکٹر اس کے اوپر چڑھ گیا جس سے معمر شخص موقع پر ہی جاں بحق ہوگیا۔مقامی گاؤں والوں کی مدد سے ٹریکٹر اور ڈرائیور کو پکڑ کر پولیس کے حوالے کر دیا گیا۔اطلاع ملتے ہی مقامی پولیس نے موقع پر پہنچ کر لاش کو اپنے قبضے میں لے کر پوسٹ مارٹم کے لیے بہارشریف صدر ہسپتال بھیج کر پوسٹ مارٹم کروا کر لاش لواحقین کے حوالے کر دی اور پولیس مزید کارروائی میں مصروف ہے۔