نوح میں ژالہ باری سے فصلوں کو نقصان: ایم ایل اے آفتاب نے کیا گاؤں کا دورہ

محمد زاہد امینی
نوح،میوات،سماج نیوز سروس: ضلع نوح کے کئی گاؤں میں جمعہ کی دیر شام شدید زالہ باری و موسلادھار بارش کی وجہ سے کسانوں کو بھاری نقصان ہوا ہے۔ہفتہ کی صبح مقامی ایم ایل اے چودھری آفتاب احمد کسانوں کے ساتھ کھیتوں کا معائنہ کرنے پہنچے اور نقصان کا جائزہ لیا۔کسانوں نے ایم ایل اے سے خصوصی گرداوری کرانے اور مناسب معاوضہ دلانے کا مطالبہ کیا۔ ایم ایل اے آفتاب احمد نے کسانوں کو حکومت سے جلد معاوضہ حاصل کرنے کو کہا ہے۔آفتاب احمد نے کہا کہ ژالہ باری، بے وقت بارش اور تیز ہواؤں کی وجہ سے کل شام نوح سمیت صوبہ کے قریب 10 اضلاع میں شدید بارش ہوئی۔درجنوں دیہات میں گندم اور سرسوں کی فصلوں کو بھاری نقصان پہنچا ہے۔ایم ایل اے نے بی جے پی حکومت سے اپیل کی۔انہوں نے مطالبہ کیا کہ حکومت ریاست سمیت پورے ضلع کی خصوصی گرداوری کر کے 50000/- روپے فی ایکڑ معاوضہ کی رقم فراہم کرے۔اس دوران ایم ایل اے آفتاب نے فصلوں کا معائنہ کرتے ہوئے کسانوں کو یقین دلایا کہ بحران کی اس گھڑی میں وہ ہمیشہ اپنے انادتا کسانوں کے ساتھ کھڑے ہیں۔انہوں نے کسانوں سے کہا کہ ہمارے کسانوں پر قدرت کا قہر نازل ہوا ہے اور ہر کوئی اس سے غمزدہ ہے۔کانگریس پارٹی اس وقت کسانوں کے ساتھ کھڑی ہے۔صحافیوں سے بات کرتے ہوئے ایم ایل اے آفتاب احمد نے کہا کہ ضلع میں اور خاص طور پر نوح کے علاقے نوح، پلہ، سونکھ، پالڈی، نلہار، صلاحیدی، اڈبر، ٹائی، فیروز پور نمک، دھندھوکا، مانکی، ستپوتیاکا،حسین پور، بابو پور، تیدک پور، سلمبا، بینہکا، سوئی پور، سوئی پور،گوڑہ، اور سوئی کا نقصان ہوا ہے۔ کیراکا، بھڈنگکا، کھیڑا، جوگی پور، مروڑہ، شاہ پور نانگلی، نوشہرہ، گنڈباس وغیرہ دیہاتوں میں زیادہ نقصان ہوا ہے۔آفتاب احمد نے کسانوں کو یقین دلایا کہ بہت جلد ریاست کے وزیر اعلیٰ نایاب سینی سے بات کرنے کے بعد خصوصی گردواری کرانے اور معاوضہ فراہم کرنے کا کام کیا جائے گا۔اس دوران کانگریس کے ضلع کنوینر مہتاب احمد سمیت درجنوں دیہات کے کسان موجود تھے۔