سوپول (محمد ابوالمحاسن ( مولانا محمد ابوالکلام شمسی جوائنٹ جنرل سکریٹری آل انڈیا ملی کونسل بہار ایک پریس ریلیز میں کہا ہے کہ رمضان کا مبارک مہینہ سایہ فگن ہے۔اللہ تعالی اس ماہ کے فیوض و برکات سے ہم سب کو مالا مال کرے آمین تمام مسلمانوں کو دل کی گہرائیوں سے رمضان کی مبارک باد روزہ اسلام کا ایک اہم رکن ہے جو سال میں ایک ماہ یعنی رمضان کے مہینہ میں فرض ہے۔پوری دنیا کے مسلمان اسی مہینہ میں روزہ رکھتے ہیں یہ اتحاد کا بھی علمبردار ہے۔ اس میں فرض کا ثواب سترگنابڑھادیاجاتا ہےاور سنن و نوافل کا ثواب فرض کے برابر ۔ اسی مہینہ میں مہتم بالشان کتاب نازل ہوئ۔جسے ہم قرآن شریف کہتے ہیں۔اس وجہ سے اس ماہ کی اہمیت دو بالا ہو گئ۔اس لئے ہم لوگوں کو اس ماہ میں کثرت سے قرآن مجید کی تلاوت اور اس کو سمجھنے اور اس پر عمل کرنے کی کوشش کرنی چاہئے۔اس مہینہ کے ہر ہر لمحہ کو قیمتی سمجھتے ہوئے فرائض کی ادائیگی کے ساتھ سنن و نوافل کا اہتمام کرنا ضروری ہےتہجد ،اشراق،چاشت ،اوابین کی نماز و اوراد و وظائف کا معمول بنانا چاہئے جھوٹ لغو ،غیبت اور فضول باتوں سے بچنا چاہئے۔ اپنی غلطیوں پر نادم ہونا اور اللہ سے معافی مانگنا اور رو رو کر مغفرت کی دعاء کرنا اور جنت کے حصول کو یقینی بنانے کا بہترین موقع ہے یہ ماہ غمخواری کابھی ہے اس لئے اس مہینہ میں اپنے اپنےماتحتوں رشتہ داروں پڑوسیوں اور کمزور لوگوں کی خبر گیری کرنے اور انہیں مدد پہونچانے میں بہت ثواب ہے۔اس ماہ میں ایک عبادت خاص ہے جسے تراویح کے نام سے جانتے ہیں اسے پابندی کے ساتھ ادا کرنے کا معمول بنانا چاہئے۔ تراویح میں قرآن شریف کا ایک ختم سننا سنت ہے۔۔ اور تراویح کی نماز پورے مہینہ پڑھنا مستقل سنت ہےموقع نکال کر اخیر عشرہ کا اعتکاف کرنا چاہئے۔ جن کو اللہ نے صاحب حیثیت اور صاحب نصاب بنایا ہے اسے اپنے مالوں کی زکوٰۃ صحیح طور پر نکالنے سے ثواب میں اضافہ کا باعث ہےزکوٰۃ کی تقسیم میں بھی مستحقین معذورین پریشان حال بیوہ وغریب و یتیم اور مدارس میں پڑھنے والےغریب بچوں کا خاص خیال رکھنا چاہئے۔ جو بچے غربت کی وجہ سے تعلیم حاصل نہیں کر پا رہے ہیں ایسے بچوں کی مدد وقت کی اہم ضرورت ہے۔ عید کی نماز سے پہلے ہی فطرہ کی ادائیگی کو یقینی بنانے کی ضرورت ہے تاکہ غریب مسکین بھی عید کے روز خوشی میں شریک رہیں۔اس ماہ میں آنے جانے والوں کا خاص خیال رکھنا چاہئے۔افطار ,کھانا اور سحری کا خاص خیال رکھا جائےاس ملک میں مسلمانوں کےفلاح و بہبود اور تعلیم وتعلم کے کام کرنے کیلئے بہت ساری تنظیمیں ،دینی ادارے ،و مدارس قائم ہیں اس کی مضبوطی وقت کی اہم ضرورت ہے۔ اس لئے زکوۃ صدقات وعطیات کی رقوم سےان تنظیموں،اداروں و مدارس کی مدد کریں عند اللہ اجر عظیم کے مستحق ہوں گےاس وقت ملک میں جو حالات ہیں اس سے آپ اچھی طرح واقف ہیں۔خاص کر مسلمانوں اور مسلم مسائل کے ساتھ جو پریشانیاں ہیں۔روزانہ وقت نکال کر ان پریشانیوں کے حل کیلے دعاء کریں۔مدارس ،مکاتب ،مساجد۔عید گاہوں دینی و فلاحی اداروں خانقاہوں،اہم شخصیات اور اسلامی تشخصات، مسلم پرسنل لاء اور دینی شعائر کی حفاظت کیلے رو رو کر اور گر گرا کر اللہ سے دعاءیں کیجے۔اس گنہ گار کو بھی اپنی دعاؤں میں یاد کر لیں مہربانی ہو گی دعاء فرمائیں کہ اللہ تعالی روزہ کے حقوق کو ادا کرنے والا بنا دے آمین۔
