شہر کے گدری بازار جامع مسجد میں ختم تراویح آج

جالے (ریاض حسین) شہر کے مشہور معروف تجارتی بازار گدری محلہ شمسیر گنج کی جامع مسجد میں آج یعنی 22 رمضان المبارک کو دوسری شب قدر بروز اتوار کی شب میں نماز تراویح ختم ہوجائے گی ، نماز تراویح میں مکمل قرآن کریم سنانے کا شرف حاصل کرنے والے علی نگر بلاک کہ دھموارہ گاؤں باشندہ حافظ وقاری فرید صدیقی ہیں جو ہر سال رمضان المبارک میں تراویح کی نماز میں مکمل قرآن کریم سناتے ہیں ۔ اس موقع پر انہوں نے کہاکہ نماز تراویح کیلئے حفاظ کرام کو سخت جسمانی اور ذہنی محنت مشقت اٹھانی پر تی ہے تبھی جاکر نماز تراویح میں قرآن کریم مکمل ہوپاتا ہے۔ حفاظ کرام تھوڑی بھی غفلت اختیار کرے اور قرآن کریم کی یومیہ تلاوت سے دوری اختیار کرے تو قرآن کریم تیزی کے ساتھ دلوں سے نکلنے لگتا ہے اور ایک بار نماز تراویح میں قرآن سنانا چھوڑ دے تو یادداشت ہاف اور بالترتیب دوسرے سال بھی تراویح نہیں سناسکے تو امکان ہے کہ دلوں سے قرآن صاف ہوجانے کا اندیشہ ہو ۔ کئ حفاظ کرام ہیں جو دنیاداری اور محنت و مشقت کے ڈر سے تراویح پڑھانا چھوڑ دیتے ہیں ایسے حفاظ کرام کی شناخت صاحب قرآن کے طور پر سماج میں نہیں رہی۔ ایک حافظ قرآن کی زندگی قرآن کریم کی دولت سے بڑھ کر کوئ دولت نہیں ہوسکتی جب تک دلوں میں قرآن کریم ہے تو قرآن کریم کی وجہ سے زندگی میں تنگی فقروفاقہ ، مہلک وباء کا شکارنہیں ہوتا زمین میں کوئی سخت سے بھی سخت شئ نقصان نہیں پہنچاسکتی چونکہ آپ کے پاس قرآن کریم کی طاقت ہے کوئ شئ نقصان پہنچانے والی نہیں ٹک سکے گی صاحب قرآن کے سامنے یہ قرآن کریم کا اعزاز ہے ، قاری فریدیقی نے کہا کہ ختم تراویح کی شب میں مکمل قرآن کریم تراویح میں سنانے کی وجہ سے عید کے جیسی خوشی مل تی ہے جب تک سانس ہے تب تک نماز تراویح پورے اہتتمام کے ساتھ جاری رہے گی ،گدری بازار کی جامع مسجد شہر دربھنگہ کی سب سے قدیم جامع مسجد ہے اس کی تعمیر تقریبا 100 سال سے بھی زیادہ عرصہ گزر چکا ہے اسے نئ نسل کیلئے آثار قدیمہ کے طور پر بھی دیکھا جاتا ہے نماز جمعہ کا بھی اہتمام ہوتا ہے نماز جمعہ کیلئے مسلسل مدرسہ احمد یہ سلفیہ دربھنگہ کے عربی ادب کے ممتاز استاذ شیخ بدرعالم سلفی نماز جمعہ کے امام خطیب ہیں جن کا نماز جمعہ سے قبل پرمغز دینی اصلاحی خطاب ہوا کرتاہے ۔