پٹنہ، 23 مارچ 2025 شہید اعظم سردار بھگت سنگھ جی کو ان کے یوم شہادت پر سلام کیا گیا۔ ان کی قربانیوں کو یاد کرتے ہوئے انہیں خراج عقیدت پیش کیا گیا۔
شہید اعظم کے یوم شہادت پر انہیں خراج عقیدت پیش کرنے کے لیے مین سرکاری تقریب کا انعقاد کارگل چوک کے مشرق میں واقع شہید اعظم بھگت سنگھ کے مجسمہ کے احاطہ میں کیا گیا، جہاں گورنرجناب عارف محمد خان اور وزیر اعلیٰ جناب نتیش کمار نے شہید اعظم کے مجسمہ پر گلپوشی کر کے انہیں خراج عقیدت پیش کیا۔
اس موقع پر اسمبلی کے اسپیکر جناب نند کشور یادو، آبی وسائل اور پارلیمانی امور کے وزیرجناب وجے کمار چودھری، قانون ساز کونسل کے رکن جناب سنجے کمار سنگھ عرف گاندھی جی،وزیر اعلیٰ کے پرنسپل سکریٹری ڈاکٹر ایس سدھارتھ، وزیر اعلیٰ کے سکریٹری مسٹر کمار روی سمیت کئی سماجی اور سیاسی کارکنوں اور معززین نے شہید اعظم کے مجسمہ پر گلپوشی کر کے خراج عقیدت پیش کیا۔
اس موقع پر مسلح پولیس فورس کے دستے کے ذریعہ سلامی پیش کی گئی اور وہاں موجود لوگوں نے دو منٹ کی خاموشی اختیار کر کے شہید اعظم بھگت سنگھ کو خراج عقیدت پیش کیا۔
