تاریخ: 7 مئی 2025 الحراء اسکول، شاہ گنج، پٹنہ کے طلباء نے آج "ماحولیاتی نظام کی حفاظت” کے موضوع پر تخلیقی آرٹ پوسٹرز کی نمائش کا اہتمام کیا، جس کا مقصد ماحولیاتی بیداری کو فروغ دینا اور نوجوان نسل کو فطرت کے ساتھ ہم آہنگی کے بارے میں تعلیم دینا تھا۔ اس پروگرام میں درجہ سوم سے درجہ دہم تک کے طلباءو طالبات نے حصہ لیا، جنہوں نے اپنے فن کے ذریعے جنگلات، آبی حیات، اور حیاتیاتی تنوع جیسے موضوعات کو اجاگر کیا۔ اسکول کے اساتذہ و ذمہ داران ماحولیاتی نظام پر مبنی آرٹ پوسٹرزکا مشاہدہ کرتے ہوئےبتایا کہ "یہ مہم نہ صرف طلباء کی تخلیقی صلاحیتوں کو ابھارنے کا موقع ہے، بلکہ یہ ہماری زمین کو بچانے کی اجتماعی کوشش کا حصہ بھی ہے”۔ طلباء نے ری سائیکلنگ، پانی کی بچت، اور جنگلی حیات کے تحفظ جیسے موضوعات پر رنگین پوسٹرز بنائے۔ کچھ پوسٹرز میں ڈیجیٹل آرٹ کا استعمال بھی کیا گیا، جو طلباء کی جدید تکنیکوں سے آگاہی کو ظاہر کرتا ہے۔ اسکول انتظامیہ نے طلباء کی کوششوں کو سراہتے ہوئےبچوں کو مبارک باد دی اور کہا کہ یہ بچے ہمارے مستقبل کے محافظ ہیں۔ ان کی سوچ اور فن ہمیں ماحول کے لیے عملی اقدامات کی ترغیب دیتا ہے”۔ اس پروگرام کا بنیادی مقصد طلباء میں ماحولیاتی شعور بیدار کرنا اور انہیں بتانا تھا کہ چھوٹی چھوٹی کوششیں بھی بڑی تبدیلی لاسکتی ہیں۔ اسکول کی ٹیچرز نے بتایا کہ طلباء نے پوسٹرز بنانے سے پہلے ماحولیاتی نظام کے بارے میں ریسرچ کی اور اساتذہ سے باضابطہ سیکھنے اور سمجھنے کی کوشش کی۔اسکول انتظامیہ نے اعلان کیا کہ یہ پوسٹراسکول کے مختلف ایکٹیویٹی بوڑدپر نمائش کے لیے آویزاں کئے جائیں گے۔ اس کے علاوہ، طلباء کی جانب سے بنائے گئے 10 بہترین پوسٹرز کواسکول کے آن لائن پلیٹ فارمز پر بھی شیئر کیا جائے گا تاکہ عوامی سطح پر ماحولیاتی تحریک کو وسعت دی جاسکے۔ الحراء اسکول ، شاہ گنج کے بچوںکا یہ اقدام نہ صرف بچوںکی تخلیقی صلاحیتوں کو نکھارنے میں معاون ہے، بلکہ یہ معاشرے میں مثبت تبدیلی کی جانب ایک اہم قدم بھی ہے۔ ایسے پروگراموں کی بدولت نئی نسل کو فطری نظام کی اہمیت سمجھنے کا موقع ملتا ہے۔
