پٹنہ (اسٹاف رپورٹر)ہندستانی فضائیہ نے سیویلین کے 153 عہدوں پر بحالی کے لئے درخواست فارم طلب کئے ہیں۔سبھی بحالیاں گروپ ’سی‘ کے تحت فضائیہ کے مختلف اسٹیشنوں /یونٹوں پر کی جائیں گی۔ اہلیت رکھنے والے خواہش مند امید وار ان عہدوں کے لئے ڈاک کے ذریعہ درخواست بھیج سکتے ہیں۔ درخواست قبول کئے جانے کی آخری تاریخ 15 جون 2025 ہے۔ یہ باتیں بہار پبلک سروس کمیشن کے سابق چیئرمین امتیاز احمد کریمی نےاہل امید واروں کے مفاد میںبتائی ہیں۔ انہوں نے بتایا کہ امید وار کے پاس ان عہدوں کے لئے 12 ویں / 10 ویں کی سند ہونی چاہئے۔ دیگر ضروری سرٹیفکیٹ اور دستاویز کی جانکاری امید وار ویب سائٹ https://indianairforce..nic.in پر جاکرحاصل کر سکتے ہیں۔امید واروں کی عمر 18 سے 25 سال کے درمیان ہونی چاہئے۔ ریزروکیٹوگری کے امید واروں کوعمر کی حد میں ضابطے کے مطابق چھوٹ ملے گی۔ کوئی بھی فارم فیس قابل ادا نہیں ہے۔جناب کریمی نے کہا کہ اہلیت رکھنے والے امیدوار ضرور فارم بھریں ۔دل و جان سے کمپٹیشن کی تیاری کریں۔محنت سے کامیابی ملتی ہے۔ جناب کریمی نے کہا کہ طلبا و طالبات ہر طرح کے مقابلہ جاتی امتحان کے لئے خود کو تیار رکھیں۔ کوئی بھی مقالہ جاتی امتحان خواہ روز گار حاصل کرنے کیلئے ہو یا اعلیٰ تعلیم کیلئے داخلہ ٹسٹ ہو ، آپ ضرور فارم بھریں۔ انہوںنے کہا کہ کسی بھی طرح کی کامیابی کے لئے محنت اولین شرط ہے۔ محنت اور لگن سے ہر منزل آسان ہو جاتی ہے۔ آپ دل و جان سے محنت کریں۔ محنت سے ہی کامیابی ملتی ہے۔ہماری دعائیں او ر نیک تمنائیں آپ کے ساتھ ہیں۔
