بغداد(ہ س)۔اقوام متحدہ میں عراق کے نمائندے نے بتایا ہے کہ ایران کے خلاف اسرائیلی جنگ کے دوران اب تک اسرائیل کے 50 جنگی طیارے عراقی فضائی سرحدوں سے گزر کر ایران پر حملہ آور ہوئے ہیں۔ عراقی نمائندے نے یہ بات اقوام متحدہ کے ایک اجلاس سے پہلے کہی ہے۔عراقی نمائندے نے اس موقع پر اسرائیل پر الزام لگایا کہ اس کے ان پچاس جہازوں نے ہماری فضائی حدود کی خلاف ورزی کی ہے۔یاد رہے اسرائیل نے ایران کے خلاف بمباری 13 جون کو شروع کی تھی۔ تب سے ایران کے اڑوس پڑوس کے ملکوں کی فضائی حدود کو استعمال کر کے یا ان کی خلاف ورزیاں کر کے ایران کو نشانہ بنا رہا ہے۔عراق کے اقوام متحدہ کے لیے ناظم الامور عباس خادم عبید نے بتایا ہے کہ اسرائیلی جہاز عراق کی طرف اردن اور شام کی حدود سے گزر کر آئے تھے۔ یہ طیارے نجف، بصرہ اور کربلا کے شہروں کے اوپر سے گزرتے رہے اور ہماری حدود کی خلاف ورزی کرتے رہے۔
