سید پرویز قیصر
جنوبی افریقہ کے خلاف رانچی میں کھیلے گئے پہلی ایک روزہ بین الاقوامی میچ میں وراٹ کوہلی اور وہت شر ما نے دوسرے وکٹ کی شراکت میں18.1 اوور میں 136 رن جوڑے جو ان دونوں کھلاڑیوں کے مابین ایک روزہ بین الاقوامی کرکٹ میں بیسویں سو رن سے بڑی شراکت تھی۔اس شراکت کے ساتھ وہ ایک روزہ بین الاقوامی کرکٹ میں مشترکہ طور پر دوسری سب سے زیادہ سو رن کی شراکت کرنے والی جوڑی بن گئی۔ ہندوستان کا پہلا وکٹ3.1 اوور میں25 رن کے مجموعی اسکور پر گرا تھا جس کے بعد وراٹ کوہلی اور وہت شر ما نے دوسرے وکٹ کی شراکت میں18.1 اوور میں 136 رن جوڑے۔ روہت شرما کے آوٹ ہونے کے بعد یہ شراکت ٹوٹی تھی جو91 منٹ میں51 بالوں پر پانچ چوکوں اور تین چھکوں کی مد د سے57 رن بناکر آوٹ ہوئے تھے۔انکے آوٹ ہونے کے بعد وراٹ کوہلی نے اپنی اننگ جاری رکھی اور173 منٹ میں120 بالوں پر گیارہ چوکوں اور سات چھکوں کی مدد سے135 رن بناکر آوٹ ہوئے۔
روہت شرما اوروات کوہلی نے پہلی مرتبہ جنوبی افریقہ ہی کے خلاف شراکت کی تھی۔احمد آباد میں27 فروری 2010 کو ہوئے میچ میں ان دونوں نے تیسرے وکٹ کی شراکت میں95 رن جوڑے تھے۔ ابھی تک یہ دونوں کھلاڑی102 اننگوں میں شراکت کرنے میں کامیاب رہے ہیں جس میں انہوں نے58.53 کی اوسط کے ساتھ5619 رن بنائے ہیں۔وہ بیس مرتبہ سو رن سے بڑی اور سترہ مرتبہ پچاس رن سے بڑی شراکت کرنے میں کامیاب رہے ہیں۔ انکی سب سے بڑی شراکت246 رن کی ہے جو انہوں نے ویسٹ انڈیز کے خلاف دوسرے وکٹ کیلئے گوہاٹی میں21 اکتوبر2018 کو کی تھی۔
سری لنکا کے تلیکا رتنے دلشان اورکمار سنگا کارا نے بھی ایک روزہ بین الاقوامی کرکٹ میں بیس مرتبہ سو رن سے بڑی شراکتیں کی ہیں۔ان دونوں کھلاڑیوں نے2000 اور2015 کے درمیان108 اننگوں میں53.67 کی اوسط کے ساتھ20 سنچریوں کی رفاقت اور19 پچاس رن سے بڑی شراکتوں کے ساتھ5475 رن جوڑے تھے۔ ان دونوں کی سب سے بڑی شراکت علیحدہ ہوئے بغیر 210 رن کی ہے جو انہوں نے دوسرے وکٹ کی شراکت میں بنگلہ دیش کے خلاف26 فروری2015 کو انجام دی تھی۔
ایک روزہ بین الاقوامی کرکٹ میں سب سے زیادہ سنچری شراکت کرنے والی جوڑی ہندوستان کی ہے۔سچن ٹندولکر اور سوروگنگولی پر مشتمل اس جوڑی نے 1992 اور2007 کے درمیان 176 اننگوں میں47.55 کی اوسط کے ساتھ8227 رن جوڑے تھے۔ان سے زیادہ رن کوئی اورجوڑی ایک روزہ بین الاقوامی کرکٹ میں نہیں جوڑ پائی ہے۔ ان دونوں نے26 مرتبہ سنچری اور29مرتبہ پچاس سے بڑی شراکتین کی ہیں۔ان دونوں نے پہلی مرتبہ ویسٹ انڈیز کے خلاف برسبین میں11 جنوری 1992 کو پانچویں وکٹ کی شراکت کی تھی اور27 رن جوڑے تھے۔ پرل میں کینیا کے خلاف24 دسمبر2001 کو انہوں نے پہلے وکٹ کی شراکت میں41.4 اوور میں258 رن جوڑے تھے جو انکی سب سے بڑی شراکت تھی۔انکی اس شراکت کی بدولت ہندوستان نے مقررہ50 اوور میں تین وکٹ پر351 رن بنائے تھے۔کینیا نے مقررہ50 اوور میں پانچ وکٹ پر 165 رن بنائے جس کی وجہ سے ہندوستان نے اس میچ میں186 رن سے کامیابی حاصل کی۔
