صادق شروانی
نئی دہلی، حج کرنے کیلئے بیرونی ممالک سعوی عرب جانا ہوتا ہے یہ اس لئے بتایا جا رہا ہے کہ شاید حکومت کو یہ بات معلوم نہیں ہے جس کی وجہ سے ابھی تک حج پالیسی 2023 کو ابھی تک فائنل نہیں کیا گیا ہے یہاں آپکو بتا دیںکہ حج ایکٹ 2002کے مطابق ہر پانچ سال میں حج پالیسی کو رینو کیا جاتا ہے گزشتہ حج پالیسی 2018 میں بنائی گئی تھی جبکہ اب 2022- 23 بن جانا چاہئے تھی جو 2027 تک کام کرتی رہے گی سرکار جس طرح سے نظر انداز کر رہی ہے اس بارے میں لوگوں کا کہنا ہے کہ مودی حکومت کے پاس ا یسے کاموں کیلئے وقت نہیں ہے جن کا سیدھے طور پر مسلمانوں سے تعلق ہو اسی کام کیلئےتو بی جے پی حکومت جانی جاتی ہے ایک طرح سے حج 2023 قریب ہے سپریم کورٹ کی ہدایت کے باوجود ر مرکزی حکومت کے کانوں پر جوں بھی نہیں رینگ رہی ہے تبھی تو ابھی تک ریاستی حج کمیٹیوں کی تشکیل نہیں کی گئی ہے رضاکار تنظیموں کی جانب سے ایک بار نہیں بلکہ کئی مرتبہ مرکزی وزیر اسمرتی ایرانی سے اس سلسلے میں رابطہ بھی کیا گیا ہے لیکن کوئی اثر دیکھنے کو نہیں ملا اتنا ہے نہیں سپرم کورٹ جاکر اپیل بھی دائر کی گئی اور ادالت نے بھی ریاستی حج کمیٹیاں تشکیل دینے کی ہدایت تک جاری کردی ہے لیکن حکومت کمبھ کرن کی نیند سوئی ہوئی ہے اگر حج کی تیاریوں کی بات کریں تو کافی دیر ہوچکی ہے کیونکہ ا س میں بہت سی فارملٹی ہوتی ہیں لوگوں کو اس کیلئے سرکاری دفاتر کے چکر کاٹنے سے لیکر پیسوں کا انتظام بھی کرنا ہوتا ہے اور یہ لاپر واہی صرف مرکزتک محدود نہیں ہے بلکہ ریاستی سطح اور خاص طور پر دہلی کے ایل جی کا تو حال اس سے بھی زیادہ برا ہے بتایا جاتا ہے کہ کجریوال حکومت نے دہلی حج کمیٹی کا چیئرمین بنانے کیلئے اکتوبر 2022کو فائل بھیج دی ہے لیکن دہلی کے ایل جی فائل کو ایسے دباکر بیٹھ گئے ہیں جیسے اسکوگرم کرکے انڈے بنائیں گے نہ صرف دہلی کے عازمین حج بلکہ تمام ملک کے حج پر جانے والے لوگ بھی پریشان ہیں سرکاری دفاتر سے لیکر رضاکار تنظیمیں بھی حکومت کی طرف ٹک ٹکی لگاکر دیکھ رہے ہیںحج تنظیموں سے وابستہ رضاکاروںکا کہنا ہے کہ حج 2023کی تیاریوں کیلئے وقت بہت کم رہ گیا ہے ٹریننگ ،میڈیکل، انڈور ویزااور ابھی تک ڈرا کی بھی تیاری نہیں ہوئی ہے ایک فائل اسمرتی ایرانی تو دہلی کی فائل ایل جی کے پاس ہے۔ ذرائع کے مطابق ہو سکتا ہے کہ اسمرتی ایرانی حالات کو دیکھتے ہوئے جلد اس فائل کو دیکھیں غور طلب ہے کہ دہلی حج کمیٹی کا ٹرم 30جون کو ختم ہو چکا ہے اور چھہ مہینے گزر چکے ہیں لیکن ابھی تک نئی کمیٹی تشکیل نہیں کی گئی ہے بتایا جاتا ہے کہ دہلی حج کمیٹی کی تشکیل کیلئے وفد کئی مرتبہ وزیر اعلی اروند کجریوال سے مل چکا ہے اور ان کا کہنا ہے کہ ہم نے حج کمیٹی کا چیئرمین بنانے کیلئے فائل ایل جی کو بھیج دی ہے لیکن انہوں نے ابھی تک اس فائل پر دستخط نہیں کئے ہیں ہماری طرف سے کوئی دیری نہیں ہو رہی ہے۔ گزشتہ حج 2022کی بات کریں تو حج کی تیاریاں سرکاری سطح پر ستمبر 2021میں شروع ہوگئی تھیں اور اکتوبر 2021میں حج پر جانے والے عازمین حج کیلئے فارم نکالے تھے، لیکن حج 2023کیلئے ابھی تک فارم بھی نہیں نکالے گئے ہیں۔
