نوح،میوات،سماج نیوز سروس: جمعہ کو کانگریس کے سینیئر لیڈر ونوح کے ایم ایل اے چودھری آفتاب احمد نے شہر کے پرانے ریسٹ ہاؤس میں گرام پنچایت ترقیاتی کاموں کے ذمہ دار محکمہ کے افسران کے ساتھ ایک اہم میٹنگ کی۔عہدیداروں کو ہدایت دیتے ہوئے ایم ایل اے نے کہا کہ گرام پنچایت کے ترقیاتی کاموں میں تیزی لائی جائے۔اگر ضروری ہوا تو ایم ایل اے چنڈی گڑھ میں سینئر عہدیداروں سے ملاقات کریں گے۔آفتاب احمد کے ساتھ میٹنگ میں اے ڈی سی، سی ای او،پنچایت راج،اور میونسپل کونسل نوہ کے افسران موجود تھے۔ میٹنگ کے دوران، ایم ایل اے نے نوح اسمبلی حلقہ میں جاری ترقیاتی کاموں کا جائزہ لیا، اور تاکید کی کہ کوئی مسئلہ پیدا نہ ہو۔ زیر التوا ترقیاتی کاموں کو ترجیحی بنیادوں پر مکمل کیا جائے۔ اگر کوئی مسئلہ پیدا ہوتا ہے تو چندی گڑھ میں سینئر عہدیداروں کے ساتھ میٹنگ کی جائے گی۔میٹنگ میں ایم ایل اے، عہدیداروں اور گاؤں کے لوگ موجود تھے۔ گاؤں والوں نے اپنے گاؤں میں ترقیاتی پروجیکٹوں کے سلسلے میں درپیش مسائل کی وضاحت کی اور ایم ایل اے نے عہدیداروں سے انہیں حل کرنے کو کہا۔احمد نے بتایا کہ میٹنگ کا مقصد دیہات میں ترقیاتی کاموں میں تیزی لانا تھا تاکہ جاری منصوبوں کو مقررہ مدت میں مکمل کیا جاسکے۔ جو بھی مسائل پیدا ہوتے ہیں اسے جلد حل کیا جا سکتا ہے۔آفتاب احمد نے بتایا کہ نوح حلقہ کے دیہاتوں میں متعدد ترقیاتی منصوبے چل رہے ہیں جن میں امبیڈکر بھون، کمیونٹی ہال، مختلف برادریوں کے لیے الگ الگ چوپال، شمشان گھاٹ، قبرستان کی حدود، نئی سڑکوں کی تعمیر، پرانی سڑکوں کی مرمت اور تالاب سے متعلق کام شامل ہیں۔عہدیداروں نے ایم ایل اے کو یقین دلایا کہ ترقیاتی کاموں کو ترجیحی بنیادوں پر مکمل کیا جائے گا اور اس بات کو یقینی بنایا جائے گا کہ اس میں کوئی تاخیر نہ ہو۔
