سید پرویز قیصر
ہندوستا ن اور نیوزی لینڈ کے مابین تین ایک روزہ بین الاقوامی میچوں کی سریز کا تیسرا اور فیصلہ کن میچ اتوار(18 جنوری) کو اندورکے ہولکر کرکٹ اسٹیڈیم میں کھیلا جائے گا۔ ہندوستان نے سریز کا پہلا میچ جو ودودرہ میں کھیلا گیاتھا، چاروکٹ سے جیت کر سریز میں1-0کی برتری حاصل کرلی تھی۔ نیوزی لینڈ نے راجکوٹ میں دوسرے میچ میں سات وکٹ سے جیت حاصل کی تھی اور سرتز برابر کردی تھی۔ تیسرے میچ میں جو بھی ٹیم جیتے گی وہی سریز میں جیت لے گی۔
اس میدان پر،جس کو مہا رانی اوشاراجے ٹرسٹ کرکٹ میدان سے بھی جانا جاتا ہے، ہندوستان نے دو سات ایک روزہ بین الاقوامی میچ کھیلے ہیں ان سبھی میں اس نے جیت اپنے نام کی ہے۔ نیوزی لینڈ کے خلاف اس نے واحد ایک روزہ بین الاقوامی میچ 24 جنوری2023 کو کھیلا تھا جس میں90 رن سے جیت اپنے نام کی تھی۔ ہندوستان نے پہلے بلے بازی کرتے ہوئے مقررہ50 اوور میں نو وکٹ پر
385 ر ن بنائے تھے۔ ہندوستان کے دونوں افتتاحی بلے باز، روہت شرما (101رن) اور شبھمن گل (112 رن) سنچریاں بنانے میں کامیاب رہے تھے۔ نیوزی لینڈ کے سبھی کھلاڑی41.2 اوور میں295رن بناکرآوٹ ہوئے تھے۔ ڈیون کونوے نے138 رن بنائے تھے جو اس میدان پر کسی مہمان ٹیم کو سب سے بڑاانفرادی اسکور بھی ہے۔
اس میدان پر سب سے بڑا اسکور بنانے کا ریکارڈ ہندوستان کے پاس ہے جس نے ویسٹ انڈیز کے خلاف8 دسمبر2011 کو ہوئے میچ میں50 اوور میں پانچ وکٹ پر418 رن بنائے تھے۔ نیوزی لینڈ نے24 جنوری2023کو ہوئے میچ میں41.2اوور میں295 رن بنائے تھے جو اس میدان پر ہندوستان کے خلاف سب سے زیادہ اسکور ہے۔
آسڑیلیا کے سبھی کھلاڑی ہندوستان کے خلاف 28.2 اوور میں؎217 رن بناکر آوٹ ہوئے تھے جو اس میدان پر کسی بھی ٹیم کا سب سے کم اسکور ہے۔ ہندوستان کا اس میدان پر سب سے کم اسکور50 اوورمیںنو وکٹ پر 247 رن ہے جو اس نے جنوبی افریقہ کے خلاف 14 التوبر2015 کو بنایا تھا۔ اس میچ میں ہندوستان نے22 رن سے جیت اپنے نام کی تھی۔
وریندرسہواگ نے8 دسمبر2011 کو ویسٹ انڈیز کے خلاف208منٹ میں149 بالوں پر25 چوکوں اور سات چھکوں کی مدد سے 219 رن بنائے تھے جواس میدان پر کسی بھی کھلاڑی کا سب سے بڑا انفرادی اسکورہے۔ نیوزی لینڈکے ڈیون کونوے نے ہندوستان کے خلاف24 جنوری2023کو ہوئے میچ میں144 منٹ میں100بالوں پر12 چوکوں اور آٹھ چھکوں کی مدد سے138 رن بنائے تھے جو اس میدان پر دوسرا سب سے بڑا اور ہندوستان کے خلاف سب سے بڑا اسکور ہے۔
اس میدان پر سب سے اچھی بالنگ کرانے کا ریکارڈ ہندوستانی تیز بالر سری سنت کے پاس ہے جنہوں نیانگلینڈکے خلاف 15اپریل 2006 کو ہوئے میچ میں دس اوور میں55 رن دیکر چھ کھلاڑیوں کو آوٹ کیا تھا۔ ہندوستان کے خلاف یہاں سب سے اچھی بالنگ کرانے کا اعزاز اسٹورٹ بروڈکے پاس ہے۔ انگلینڈکے اس تیز بالر نے17 نومبر2008کو ہوئے میچ میں دس اوور میں 55 ر ن دیکر چار کھلاڑیوں کو آوٹ کیا تھا۔ یہ اس میدان پر تیسری سب سے اچھی بالنگ کارکردگی بھی ہے۔
