ناظم بیگ
بلند شہر،سماج نیوز سروس: بلند شہر میںخصوصی نظر ثانی مہم (ایس آئی آر ) کے حصے کے طور پر تقریبا 1.80 لاکھ ووٹروں کو نوٹس جاری کیے جا رہے ہیں۔ ان ووٹروں کے نام ووٹر لسٹ میں درج ہیں، لیکن 2003 سے ان کی میپنگ یا فزیکل تصدیق مکمل نہیں ہوئی ہے۔یہ کارروائی الیکشن کمیشن کی ہدایات پرضلع کی سبھی ساتوں اسمبلی حلقوں میں کی جا رہی ہے۔ انتظامیہ نے واضح کیا ہے کہ نوٹس حاصل کرنے والے ووٹروں کو مقررہ مدت میں مطلو بہ دستا ویز ات کے جواب دیناہوگا ۔ ایسا نہ کرنے پر ووٹر لسٹ سے ان کا نام ہٹا نے کا عمل شروع ہوسکتاہے ۔ غور طلب ہے کہ ضلع میں 3031بو تھ لیول آفیسر (بی ایل او) گھر گھر جاکر ووٹروں کو یہ نوٹس تقسیم کریں گے۔ بی ایل او ووٹروں کو مطلوبہ دستاویزات اور ان کے جوابات جمع کرانے کے عمل کے بارے میں بھی آگاہ کریں گے۔یہ نوٹس بنیادی طور پر انتخابی فہرستوں کی درستگی اور شفافیت کو یقینی بنانے کے لیے بھیجے جا رہے ہیں۔ یہ مہم طویل عرصے سے زیر التواء نقشہ سازی؍تصدیق، پتے کی تبدیلی، اموات، منتقلی، یا مشتبہ فر ضی اندراجات کو حل کرنے کے لیے چلائی جا رہی ہے۔ووٹرز کو نوٹس موصول ہونے پر مقررہ فارم کو پُر کرکے شناختی اور رہائشی دستاویزات منسلک کرناہوں گے ۔ ان دستاویزات کو بی ایل او یا نامزد پولنگ اسٹیشن پر بر وقت جمع کرانا لا زمی ہوگا ۔ افسران نے رائے دہندگان سے اپیل کی ہے کہ وہ کسی بھی افواہ پر دھیان نہ دیں اور وقت پرجواب دے کر اپنے ووٹ کا کا تحفظ کریں۔ اس عمل کا مقصد کسی کو حق رائے دہی سے محروم کرنا نہیں ہے بلکہ اس بات کو یقینی بنانا ہے کہ ووٹر لسٹ میں کسی قسم کی کوئی غلطی نہیں ہونی چاہیے ۔ وقت پر دستاویزات جمع نہ کرانے کی صورت میں ووٹر لسٹ سے متعلقہ کانام حذف ہونے کا خطر ہ بڑھ سکتاہے ۔
