سید پرویز قیصر
ناگپور میں نیوزی لینڈ کے خلاف ہوئے پانچ ٹونٹی ٹونٹی بین الاقوامی میچوں کی سریز کے پہلے میچ میں سوریہ کمار یادو نے36 منٹ میں22 بالوں پر چار چوکوں اور ایک چھکے کی مدد سے32 رن بنائے۔ اپنی اس اننگ کے دورا ن انہوں نے اس قسم کے کرکٹ میں اپنے نو ہزار رن مکمل کرلئے۔ ٹونٹی ٹونٹی کرکٹ میں نو ہزار رن مکمل کرنے والے وہ28 ویں بلے باز ہیں۔
دائیں ہاتھ کے اس بلل باز نے5911 بالیں کھیل کر نو ہزار رن مکمل کئے جو ٹونٹی ٹونٹی کرکٹ میں بالوں کے حساب سے دوسرے سب سے تیز نو ہزار رن ہیں۔ اس میچ کے اختتام تک دائیں ہاتھ کے اس بلے باز نے ہندوستان، کولکاتہ نائیٹ رائیڈرس، ممبئی اور ممبئی انڈینس کیلئے 2010 سے اب تک جو347 ٹونٹی ٹونٹی میچ کھیلے ہیں انکی321 اننگوں میں34.77 کی اوسط اور152.27 کے اسٹرائیک ریٹ کے ساتھ چھ سنچریوں اور59 نصف سنچریوں کی مدد سے9007 رن بنائے تھے۔ وہ23 مرتبہ اپنا کھاتہ کھولنے میں ناکام رہے ہیں اور ان کا سب سے زیادہ اسکور117 رن ہے جو وہ ہندوستان کی جانب سے انگلینڈ کے خلاف ناٹنگھم میں10 جولائی2022 کو88 منٹ میں 55 بالوں پر14 چوکوں اور چھ چھکوں کی مدد سے بنانے میں کامیاب رہے تھے۔ اس میچ میں ہندوستان کو17 رن سے شکست ہوئی تھی۔
ویسٹ انڈیز سے تعلق رکھنے والے آندرے رسل کو ٹونٹی ونٹی کرکٹ میں بالوں کے حساب سے سب سے تیز نو ہزار رن بنانے کا اعزاز حاصل ہے جنہوں نے ایسا5321 بالیں کھیلنے کے بعد کیا تھا جس میچ میں انہوں نے ٹونٹی ٹونٹی کرکٹ میں اپنے نوہزار رن مکمل کئے تھے اس میچ کے اختتام تک وہ536 میچوں کی463 اننگوں میں26.79 کی اوسط اور169.15 کے اسٹرائیک ریٹ کے ساتھ دو سنچریوں اور31 نصف سنچریوں کی مدد سے9004 رن بنائے تھے۔ وہ28 مرتبہ صفر کا شکار ہوئے تھے اور ان کا سب سے زیادہ اسکور آوٹ ہوئے بغیر 121 رن تھا جو انہوں نے پورٹ آف اسپین میں10 اگست2018 کو جمائیکا تالاواہس کی جانب سے ٹرینباگو کے خلاف49 بالوں پر چھ چوکوں اور تیرہ چھکوں کی مدد سے بنایا تھا۔ اس میچ میں انکی ٹیم کو چار وکٹ سے جیت حاصل ہوئی تھی۔
آسڑیلیا کے گلین میسکویل ٹونٹی ٹونٹی کرکٹ میں بالوں کے حساب سے تیسرے سب سے تیز نو ہزار رن بنانے والت بلے باز ہیں۔ دائیں ہاتھ کے بلے باز نے اس میچ کے اختتام تک جو402 میچ کھیلے ہیں انکی380 اننگوں میں27.63 کی اوسط اور152.41 کے اسٹرائیک ریٹ کے ساتھ پانچ سنچریوں اور52 نف سنچریوں کی مدد سے9038 رن بنائے تھے۔ وہ28 مرتبہ اپنا کھاتہ کھولنے میں ناکام رہے تھے اور ا ن کا سب سے زیادہ اسکورآوٹ ہوئے بغیر 154 رن تھا جو 19 جنوری 2022کو ملبورن اسٹار کی جانب سے ہوبرٹ ہری کینس کے خلاف ملبورن میں81 منٹ میں64بالوں پر22 چوکوں اور چار چھکوں کی مدد سے بنایا تھا۔ اس میچ میں انکی ٹیم106 رن سے کامیاب رہی تھی۔
اننگوں کے حساب سے ٹونٹی ٹونٹیء کرکٹ میں سب سے تیز نو ہزار رن بنانے کا اعزاز پاکستان سے تعلق رکھنے والے بابر اعظم کے پاس ہے جنہوں نے254 ویں میچ کی245 ویں اننگ میں ایسا کیا تھا۔ دائیں ہاتھ کے اس بلے باز نے ابھی تک جو 339 میچ کھیلے ہیں انکی328 اننگوں میں42.22 کی اوسط اور128.48 کے اسٹرائیک ریٹ کے ساتھ 11 سنچریوں اور97 نصف سنچریوں کی مدد سے 11738 رن بنائے ہیں۔ وہ24 مرتبہ اپناکھاتہ نہیں کھول سکے تھے اور ان کا سب سے زیادہ اسکور122 رن ہے جو انہوں نے جنوبی افریقہ کے خلاف سنچورین میں14 اپریل2021 کو77 منٹ میں59 بالوں پر15 چوکوں اور چار چھکوں کی مدد سے بنایا تھا۔ اس میچ میں پاکستان نے نو وکٹ سے جیت اپنے نام کی تھی۔
