سید پرویز قیصر
رائے پور میں کھیلے گئے پانچ ٹونی ٹونٹی بین االاقوامی میچوں کی سریز کے دوسرے میچ میں ایشان کشن نے دھواں دھار بلے بازی کا مطاہرہ کرتے ہوئے43 منٹ میں32بالوں پر گیارہ چوکوں اور چار چھکوں کی مدد سے76 رن بناے۔ انہوں نے اس اننگ کے دوران اپنی نصف سنچری21 بالوں پر مکمل کی جو ہندوستان کی جانب سے نیوزی لینڈ کے خلاف ٹونٹی ٹونٹی بین الاقوامی کرکٹ میں سب سے تیز نصف سنچری ہے۔اس میچ میں ہندوستان نے سات وکٹ سے کامیابی حاصل کی تھی۔
ہاور پلے میں بائیں ہاتھ کے اس بلے باز نے56 رن بنائے جو ہندوستان کی جانب سے پاور پلے میں دوسرے سب سے زیادہ رن ہیں۔ ہندوستان کی جانب سے پاور پلے میں سب سے زیادہ رن بنانے کا اعزاز ابھیشیک شرما کے پاس ہے جنہوں نے انگلینڈ کے خلاف ممبئی میں2 فروری2025 کو کھیلے گئے میچ میں58 رن بنائے تھے۔ اس میچ میں انہوں نے93 منٹ میں54 بالوں پر سات چوکوں اور13 چھکوں کی مدد سے135 رن بنائے تھے۔
ٹونٹی ٹونٹی بین الاقوامی کرکٹ میں ابھی تک تین نمبر یا اس سے بعد میں بلے بازی کرتے ہوئے پاور پلے میں تومرتبہ نصف سنچری اسکور کی ہے۔ ایشان کشن سے پہلے ایسا صرف آسڑیلیا کے جوش انگلش نے ویسٹ انڈیز کے خلاف26 جولاٰئی2025 کو بیسیٹری میںپاور پلے میں 29 بالوں پر51 رن بنائے تھے۔ انہوں نے کل 30 بالوں پر دس چوکوں اور ایک چھکے کی مدد سے یہ رن بنائے تھے اور نصف سنچری اسکور کرکٹ اگلی باک پر آوٹ ہوگئے تھے۔
ایشان کشن سے پہلے نیوزی لینڈ کے خلاف سب سے تیز نصف سنچری بنانے والے ہندوستانی بلے باز ابھیشیک شرما تھے جنہوں نے ناگپور میں21 جنوری2025 کو ہوئے میچ میں جب59 منٹ میں35 بالوں پرپانچ چوکوںآٹھ اور چھکوں کی مدد سے رن بنائے تھے تو نصف سنچری22 بالوں پر مکمل کی تھی۔اس میچ میں ہندوستان کی ٹیم48 رن سے فاتح رہی تھی۔
نیوزی لینڈ کے خلاف ہندوستان کی جانب سے تیسری سب سے تیز نصف سنچری بنانے کا اعزاز لوکیش راہول کے پاس ہے جنہوں نے آکلینڈ میں24 جنوری2020 کوہوئے میچ میں23 بالوں پر اپنی نصف سنچری مکمل کی تھی۔ اس اننگ میں وہ27 بالوں پر چارچوکوں اور تین چھکوں کی مدد سے56 رن بنانے میں کامیاب رہے تھے۔ اس میچ میں ہندوستان کو چھ وکٹ سے جیت ملی تھی۔ یہ نیوزی لینڈ میں ہندوستان کی جانب سے ،شترکہ طور سب سے تیز نصف سچری ہے۔
نیوزی لینڈ میں ہندوستان کی جانب سے مشترکہ طور پر سب سے تیز اور کل ملاکرمشترکہ طور پر سب سے تیز نصف سنچری بنانے کا اعزاز روہت شرما کے پاس ہے جنہوں نے ویلنگٹن میں29 جنوری2020 کو ہوئے میچ میں23 بالوں پر اپنی نصف سنچری مکمل کی تھی۔ اس اننگ میں و50 منٹ میں 40بالوں پر چھ چوکوں اور تین چھکوں کی مدد سے65 رن بنانے میں کامیاب رہے تھے۔ اس میچ میں ہندوستان کو سپر اوور میں جیت ملی تھی کیونکہ میچ ٹائی رہا تھا۔۔
رائے پور میں ہوئے میچ میں سوریہ کمار یادو نے لگاتار 23 اننگوں کے بعد پہلی نصف سنچری اسکور کی تھی۔ وہ23 بالوں پر ایسا کرنے میں کامیاب رہے تھے جو ہندوستان کی جانب سے نیوزی لینڈ کے خلاف مشترکہ طور پر تیسری سب سے تیز نصف سنچری ہے۔ اس اننگ میں وہ74 منٹ میں37 بالوں پر نو چوکوں اور چار چھکوں کی مدد سے82 رن بناکر ناٹ آوٹ رہے تھے۔
