ہردوئی،پہانی،سماج نیوز سروس: گزشتہ شب مدرسہ رحمانیہ محلہ لوہانی قصبہ پہانی میں جلسہ تکمیل حفظ قرآن کریم منعقدہوا، جس میں مہمان خصوصی کی حیثیت سے مولانا افضال الرحمن قاسمی شیخ الحدیث مدرسہ اشرف المدارس ہردوئی نے خطاب کرتے ہوئے اللہ تعالیٰ نے جتنی بھی چیزیں بنائی ہیں وہ سب چیزیں اپنی جگہ بے مثل ہیں،ان جیساکوئی بنانہیں سکتا،تفصیلات کے مطابق گزشتہ شب مدرسہ رحمانیہ محلہ لوہانی قصبہ پہانی میں ۹؍بچوں نے حفظ قرآن کی تکمیل کی۔ اس موقع پر مدرسہ کے ذمہ دار مولانا عطاء اللہ قاسمی ناظم مدرسہ نے تکمیل حفظ قرآن کی تقریب کا اہتمام کیا۔ جس میں مولانا عبدالجبارقاسمی صدر جمعیۃ علماء ضلع ہردوئی نے خطاب کرتے ہوئے کہا کہ اللہ تعالیٰ نے انسانوں کو بغیرعلم کے پیداکیا،یعنی جب وہ پیداہوئے تو کچھ بھی نہیں جانتے تھے، پھربقدرضرورت اللہ تعالیٰ ان کو علم دیتاگیا۔جب بچہ پیداہوتاہے وہ بظاہر کچھ بھی نہیں جانتا،لیکن اللہ تعالیٰ اس کو اس کی ضرورت کے مطابق دنیامیں آنے کاعلم عطافرمادیتے ہیں،انہوں نے اتباع سنت کااہتمام اور نیک لوگوں کی صحبت میں وقت گزارنے پر زوردیا کہ ہرآن سنت کی اتباع کریں اور اپنی زندگی میں احیاء سنت کا اہتمام کریں اور نیک لوگوں کی صحبت کو لازم کرلیں۔ بعدازاں نے مولانا افضال الرحمن قاسمی شیخ الحدیث مدرسہ اشرف المدارس ہردوئی نے خطاب کرتے ہوئے کہا کہ انسان سب سے اشرف ہے، یہ سارانظام ،یہ ساراانتظام انسانوں کے لئے بنایاگیاہے، قرآن میں کہاگیا کہ اللہ وہ ہے جس نے زمیں میں ساری چیزوں کو تمہارے لئے بنایا،انسان کی قدروقیمت دوچیزوں کی بنیادپرہے ایک علم دوسرے اخلاق نبوی۔بنانے والے کی نظروں میں انتہائی قیمتی ہیں۔ علم ہو اخلا ق نہ ہووہ انسان کسی کام کا نہیں ،اسلام نے جس علم پر توجہ دی وہ علم معرفت رب کاہے، اور دنیا نے جس علم پر توجہ دی وہ معاش کی فکر کاہے۔ دونوں میں زمین وآسمان کا فرق ہے۔ آج یہ مدارس ومکاتب سب سے پہلے اس کام کو اللہ تعالیٰ نے انجام دیا،اپنی ربوبیت کی آواز سب سے پہلے اللہ تعالیٰ نے لگائی ۔ دریں اثنا ناظم مدرسہ مولانا عطاء اللہ قاسمی نے خطبۂ استقبالیہ پیش کیا، انہوں نے حاضرین مجلس اور معاونین ومخلصین کو ہدیۂ تبریک پیش کی۔ جلسے کا آغاز ابوطلحہ متعلم مدرسہ کی تلاوت سے ہواجبکہ نعت کا نذرانہ حافظ محمد صہیب ،حافظ عبدالرحمن متعلم مدرسہ نے مشترکہ طورپرپیش کیا۔نظامت کے فرائض مفتی محمد جنیدقاسمی استاذمدرسہ عربیہ مفتاح العلوم گنج مرادآباد نے انجام دیے۔جلسے کی صدارت مولانا عثمان غنی مظاہری نے کی،اس موقع پر ۹؍طالب علموں نے حفظ قرآن کی تکمیل کی۔محمد انصارولد برکت اللہ،محمد کامران ولدمحمد فضیل،محمد افضل ولدمحمد عقیل،محمد یاسرولد منصوراحمد،محمد اسلام ولد محمد ارشاد،محمد ہاشم ولد ناظم،عبدالرزاق ولد محمد مظہر،محمد سعدولد محمد طارق،محمد انصارولد محمد مختار، سبھی طلبہ کی تکمیل مفتی محمد بلال قاسمی استاذ مدرسہ اشرف المدارس ہردوئی نے کرائی۔
