سید پرویز قیصر
عمان کے خلاف پالے کیلے میں کھیلے گئے میچ میں سری لنکا کے کپتاں داسن شانا کا نے دھواں دھار بلے بازی کرتے ہوئے20منٹ میں 20بالوں پر دو چوکوں اور پانچ چھکوں کی مدد سے پورے پچاس رن بنائے۔ انہوں نیآوٹ ہونے سے ایک بال پہلے اپنی نصف سنچری مکمل کی تھی جو ٹونٹی تونٹی عالمی کپ میں سری لنکا کیلئے سب سے تیز نصف سنچری ہے۔اس میچ میں سری لنکا نے مقررہ20 اوور میں پانچ وکٹ پر225 رن بنانے کے بعد عمان کو20 اوور میں نو وکٹ پر120 رن بنانے دیئے اور میچ میں105 رن سے کامیابی اپنے نام کرلی۔
ان سے پہلے سری لنکا کی جانب سے ٹونٹی ٹونٹی عالمی کپ میں سب سے تیز سنچری بنانے کا اعزاز مہیلا جے وردھنے کے پاس تھا جنہوں نے کینیا کے خلاف جوہانسبرگ میں14 ستمبر 2007 کو ہوئے میچ میں 21 بالوں پر اپنی نصف سنچری مکمل کی تھی۔ اس میچ میں وہ37 منٹ میں27 بالوں پر نو چوکوں اور دو چھکوں کی مدد سے 65 رن بنانے میں کامیاب رہے تھے۔ سری لنکا نے اس میچ میں مقررہ20 اوور میں چھ وکٹ پر 260 رن بنانے کے بعد کینیا کو19.3 اوور میں88 رن پر آوٹ کردیا تھا۔ سری لنکا کی172 رن کی جیت ٹونٹی ٹونٹی عالمی کپ میں سب سے بڑی جیت ہے۔
عمان کے خلاف ہوئے میچ میں پون رتنائیکے نے اپنی نصف سنچری24 بالوں پر مکمل کی جو اب سری لنکا کے لئے ٹونٹی تونٹی عالمی کپ میں تیسری سب سے تیز سنچری ہے۔اس میچ میں وہ36 منٹ میں28 بالوں پر آٹھ چوکوں اور ایک چھکے کی مدد سے60 رن بنانے میں کامیاب ہوئے تھے۔ انہوں نے ٹونٹی ٹونٹی بین الاقوامی کرکٹ میں پہلی مرتبہ نصف سنچری اسکور کی ہے۔
تلیکا رتنے دلشان نے آسڑیلیا کے خلاف ناٹنگھم میں8 جون2009 کو ہوئے میچ میں اپنے نصف سنچری مکمل کرنے میں26 بالوں کا سامنا کیا تھا۔ اس میچ میں وہ46 منٹ میں 32بالوں پر دس چوکوں کی مدد سے53 رن بنانے میں کامیاب رہے تھے۔ انکی26 بالوں پر بنائی گئی نصف سنچری سری لنکا کیلئے چوتھی سب سے تیز نصف سنچری ہے۔آسڑیلیا کو20 اوور میں نو کوٹ پر159 رن پر روکنے کے بعد سری لنکا نے 19 اوور میں چار وکٹ پر 160 رن بناکر میچ چھ وکٹ سے جیتا تھا۔
ٹونٹی ٹونٹی عالمی کپ میں سری لنکا کی جانب سے پانچویں سب سے تیز نصف سنچری بنانے کا اعزاز مہیلا جے وردھنے کے پاس ہے جن کو دوسری سب سے تیز نصف سنچری بنانے کا اعزاز بھی حاصل ہے۔ انہاوں نے زمبابوے کے خلاف پروڈینس میں3 مئی2010 میں جب80 منٹ میں64 بالوں پردس چوکوں اور چارچھکو ں کی مدد سے پورے سو رن بنائے تھے تو نصف سنچری27 بالوں پر مکمل کی تھی۔ سری لنکا نے اس میچ میں پہلے بلے بازی کرتے ہوئے مقررہ20 اوور میں سات وکٹ پر173 رن بنائے تھے۔ زمبابوے نے پانچ اوور میں ایک وکٹ پر 29 رن بنائے تھے اور وہ ڈکورٹھ اینڈ لوئیس قاعدے کے تحت14 رن سے میچ ہارگئی تھی۔
ٹونٹی ٹونٹی عالمی کپ میں سب سے تیز سنچری بنانے کا اعزاز ہندوستان کے یوراج سنگھ کے پاس ہے جنہو ں نے انگلینڈ کے خلاف ڈربن میں 19 ستمبر2007 کو ہوئے میچ میں پچاس رن مکمل کرنے میں صرف بارہ بالوں کا سامنا کیا تھا۔ بائیں ہاتھ کے اس بلے باز نے 14 منٹ میں 16 بالوں پر تین چوکوں اور سات چھکوں کی مدد سے58 رن بنائے تھے۔ انکی یہ نصف سنچری تب ٹونٹی ٹونٹی بین الاقوامی کرکٹ میں بھی سب سے تیز نف سنچری بھی تھی۔ اس میچ میں ہندوستان نے18 رن سے کامیابی حاصل کی تھی۔
