جالے: محمد رفیع ساگر : کمتول تھانہ کی گشتی ٹیم نے سینئر افسران کی رہنمائی میںجمعہ کی علی الصبح تقریباً 2:45 بجے خفیہ اطلاع کی بنیاد پر دربھنگہ ۔ کمتول سڑک پر گوپالپور ریلوے گمٹی، محمدپور موڑ کے نزدیک چھاپہ مار کارروائی کی۔ 112 گشت پولیس اور مسلح دستے کے تعاون سے کھڑی ٹاٹا الٹروز (BR07AS8727) سے اتر کر فرار ہونے کی کوشش کرنے والے 3 نوجوانوں کو گرفتار کرلیا گیا۔گرفتار افراد کی شناخت مدھوبنی ضلع کے رہیکا تھانہ علاقہ، بسولی وارڈ نمبر 12 کے رہائشی آدرش کمار (17) ولد بنود ساہ، ابھیشیک کمار (23) ولد سنجیو ساہ اور دربھنگہ صدر تھانہ علاقہ رانی پور وارڈ 6 کے رہائشی سنجیو کمار (24) ولد ارجن داس کے طور پر ہوئی ہے۔تلاشی کے دوران ایک پستول، 2 زندہ کارتوس، 3 آئی فون اور ایک موبائل فون برآمد کیا گیا۔ پولیس کے مطابق ابتدائی پوچھ گچھ میں تینوں ملزمان نے گاڑیوں کی لوٹ میں ملوث ہونے کا اعتراف کیا ہے۔اس کارروائی کی تفصیل دربھنگہ صدر-2 کے سب ڈویژنل پولیس آفیسر شُبھندر کمار سُمن نے کمتول تھانہ میں پریس کانفرنس کے دوران دی۔ پولیس نے ملزمان کے ساتھ ٹاٹا الٹروز گاڑی کو بھی ضبط کرلیا ہے۔ سب انسپکٹر سبھاش کمار کی درخواست پر کمتول تھانہ میں مقدمہ درج کر لیا گیا ہے، جبکہ علاقے میں چوبیسوں گھنٹے گشت مزید تیز کر دی گئی ہے۔
