بہارشریف (ایم ایم عالم) یوتھ ایمپلائمنٹ اینڈ سکلز ڈپارٹمنٹ،حکومت بہار،پٹنہ کے زیراہتمام،ڈسٹرکٹ ایمپلائمنٹ دفتر،نالندہ نے بہارشریف میں ایک روزہ ضلعی سطحی روزگار اور پیشہ ورانہ رہنمائی میلے کا انعقاد کیا۔میلے کا افتتاح ممبر پارلیمنٹ کوشلندر کمار،ڈپٹی ڈیولپمنٹ کمشنر شبھم کمار،سیٹلمنٹ آفیسر پربھات رنجن،ڈسٹرکٹ پلاننگ آفیسر محمد عاکف وقاص اور لیبر سپرنٹنڈنٹ اشونی کمار نے مشترکہ طور پر شمع روشن کر کیا۔اس موقع پر مہمان خصوصی رکن پارلیمنٹ کوشلندر کمار نے کہاکہ حکومت نوجوانوں کو زیادہ سے زیادہ روزگار اور خود روزگار کے مواقع فراہم کرنے کی مسلسل کوشش کر رہی ہے۔ روزگار میلہ اس سمت میں ایک طاقتور اقدام ہے،جو نوجوانوں کو آجروں سے براہ راست جڑنے کا موقع فراہم کرتا ہے۔ڈی ڈی سی شبھم کمار نے روزگار میلے کی تعریف کرتے ہوئے کہاکہ اس طرح کی تقریبات 2010 سے لگاتار منعقد کی جا رہی ہیں جس سے نوجوانوں کو روزگار کے نئے مواقع مل رہے ہیں۔انہوں نے نوجوانوں پر زور دیا کہ وہ خود روزگار اور انٹرپرینیورشپ کو آگے بڑھائیں اور محکمہ صنعت اور ڈسٹرکٹ رجسٹریشن اینڈ کونسلنگ سنٹر کے ذریعے چلائی جانے والی مختلف اسکیموں کے بارے میں معلومات فراہم کیں۔کل 20 آجروں نے روزگار میلے میں حصہ لیا 1,208 امیدواروں کو راغب کیا۔تقریباً 1,000 اسامیوں کے مقابلے میں 632 امیدواروں کو اگلے مرحلے کے لیے شارٹ لسٹ کیا گیا۔میلے کے دوران ایم پی کوشلندر کمار اور ڈپٹی ڈیولپمنٹ کمشنر شبھم کمار نے کچھ نوجوانوں کو کوشل یووا پروگرام (KYP) کے سرٹیفکیٹس پیش کئے۔آئی ٹی آئی سے تربیت یافتہ امیدواروں کو ٹول کٹس اور مقابلہ جاتی امتحانات کی تیاری کرنے والے طلباء کو اسٹڈی کٹس تقسیم کی گئیں۔ڈسٹرکٹ پلاننگ آفیسر محمد عاکف وقاص نے امیدواروں کو روزگار اور سکل ڈویلپمنٹ کے حوالے سے رہنمائی فراہم کی اور محکمہ کی جانب سے چلائی جانے والی دیگر اسکیموں کے بارے میں تفصیلی معلومات فراہم کیں۔ پلاننگ آفس نے اسٹڈی کٹ اینڈ ٹول کٹ اسکیم اور کیرئیر انفارمیشن سینٹر کے بارے میں بھی معلومات فراہم کیں۔میلے میں ڈی آر سی سی،آر ایس ای ٹی آئی اور لیبر ریسورس ڈیپارٹمنٹ سمیت مختلف سرکاری محکموں کی جانب سے اسٹال لگائے گئے تھے،جہاں نوجوانوں کو محکمانہ فلاحی اسکیموں کے بارے میں معلومات اور رہنمائی فراہم کی گئی۔اس موقع پر ڈسٹرکٹ سکل منیجرز،تمام دفتری عملہ اور استفادہ کنندگان کی بڑی تعداد موجود تھی۔
